Vagalata 5:3 - Ibibiliya mu Shimakonde Imbodi Yaambi na dimbande dya Imbodi Yakala

³ Ninkwakikisha kavili kenga kula munu ákumuligwa likumbi, nae ankudaigwa atandedye lilamulo uti.

Vagalata 5:3 ပူးပေါင်းရင်းမြစ်များ

Mateu 23:16

“Mupambale mwenu mmananangalaledi múkalola muushidoni, ‘Woewoe álilapila ing'ande ya Nnungu, kulilapa ako hakuvé mana, napane aijá álilapila shaabu ivéle mwing'ande yake Nnungu, andyungigwa kwakulilapa ako.’

Mateu 23:18

Namomo munkushidoni, ‘Woewoe álilapila alutali, kulilapa ako hakuvé mana, napane aijá álilapila shadaka shapashanya alutali, andyungigwa kwakulilapa ako.’

Lukashi 16:28

Ninkuvanavo vanung'unuvangu mwanu vangulota auke akavaumidye ushuda kwambangidya vanavo havanaide momo mulyutu ali lyamauvilo.’

Vitendo 15:1

Napanelo vanu vanji vandyúma ku Yudeya kuka ku Antiyokiya kutwala kutunduvanga kuvapundisha vanung'unumunu vaashidoni, “Mwenu vakanankumula likumbi kenga mwalilatela lidyavalelo lyake Musha, mwiko hamwambolegwa.”

Vitendo 2:40

Napane kwamalove anji oe ashindaumya ushuda na auka mushu avajugwangila kushidoni, “Liposhe mushaushanga shiidíla udukulu au wantau.”

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Valoma 2:25

Mwiu, kukumuligwa likumbi kunkuvanavo mana ikava kenga wako unkwigwilila lilamulo kanji ikava kenga wako ni nkúpujungula lilamulo, bai kukumuligwa kwako ko kunditadya kuva ungakumuligwe.

Vagalata 3:10

Mwaa uti avalá vakulupíla lilamulo vandilanigwa kwoda indyandikigwa doni, “Alaanigwe aijá ákapagwa muvinu avi uti vyandikígwe mulibuku lyalilamulo na vinu avyo me kutandedya.”

Vagalata 5:2

Igwa shana vyanimwaulila nangu Paulu, mukakumuligwa likumbi, bai Klistu havanavo shinu mana kwenu.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

I Vateshalonika 4:6

Kwaing'ano ai, hanapagwe wakunkwinyanga kwali wakunshonda nung'unumunu mwaa kwavinu vyovyo avi, Umu ni nkúlipilila kenga mo mwatumwaulidile kaladavo na mwatuumididye ushuda ngala.

I Nshuwau 4:14

Wewe tuvene tundyona na tunkumya ushuda kenga Tatamunu anintumidya Mwanagwe pakulota ave Mwamboli wamushilambo amu.