Vagalata 2:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Nadoni vamanya umonyo wangupatile, Tiyagu, Kepashi namu Nshuwau, vo váshaaneka kuva mabodo, vandítuwanidya makono akulodya upamo namu wetu, yani nangu namu Balinaba. Vanavo vandíkubali wetu tuve kwavamidi, vanavo kwavayuda

Vagalata 2:9 ပူးပေါင်းရင်းမြစ်များ

Mateu 16:18

Namomo ninkukwaulila doni, wako Patulu na nangu pashanya lijanga lyolyo ali, ndadenga liganisha lyangu na liganisha alyo milango vyakumoka havyulula kutema.

Lukashi 22:8

Likawike, Yesu aníntuma Patulu namu Nshuwau aashidoni, “Wena mukapanganiange shikukulu sha Pasaka tulye.”

Nshuwau 1:42

Bai Andaleya akantwala Simoni kumuukanavo kumwe Yesu. Yesu akannola Simoni ndoo, akamwaulila kushidoni, “Wako lina lyako Simoni mwanagwe Nshuwau. Napane kutunduvangila ambi apa vandakushema Kepashi” (Kepashi kwakuvalangangila kunji, Patulu).

Vitendo 12:17

Patulu kung'aniang'anianga nkono kuvamaladya kutwala kuvavalangangila mwamuumididye Umu nkalaboshi kutwala kushidoni, “Tiyagu jo pamo na vanung'unumunu, vavalangangile.” Nae kutwala kuma kuka kulyutu linji.

Vitendo 15:13

Napanelo vanavo pavamalidile kutangola Tiyagu kushidoni, “Mmanung'unumunu, ngwigwa!

Vitendo 15:7

Napanelo ukaumilile ntau utwéte wakati woe, Patulu andítakatuka kutwala kushidoni, “Mmanung'unumunu, mwenu mundimanya shana doni tangu kala Nnungu aningutandola pakati penu pakulota dashi, kwaindila yaikanywa yangu vamidi vaigwe lilove lyantenga wambone na vakulupile.

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,

Valoma 1:5

Kwaindila yake nae tundipata umonyo na umyombe wakutadya pakati pavenentete uti kwigwilila kwalikulupililo kwamwaa walina lyake

Valoma 12:3

Mwenu, kwaumonyo wangupatile ninkumwaulila kula munu pakati penu hanalikumbukile jo mwene kupunda amulá muvaikidíle alikumbukilile kanji nae alikumbukile kwabila kupundanianga kulinganananavo shipimo shalikulupililo shanjavidile Nnungu kula munu.

Valoma 15:15

Kanji napane mumyaa vinji nimwandikila pandikajugulanga shinu pakulota ninkumbuwange. Nditenda davo kwamwaa waumonyo wangupele Nnungu

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

II Vakolintu 11:5

Mwenu, hangunalyona shinu ata padyoko vela kuva nindikidiki kwa avalá “vamyombe vakumene.”

II Vakolintu 12:11

Ndilitenda kuva ninjinga kanji mwenu ni múnguungidile. Mwaa mwenu ni múkangutumbyenge nangu pakuva hangunava shinu nindikidiki kwavamyombe vakumene avalá ata ikava kenga nangu hangunava shinu.

II Vakolintu 8:4

vatujugwangila kwakutukanyalidya vapate paida yakuliinjidyanga mukuvapwashela vakwilimyanga.

Vagalata 1:16

Jojo jo, painnagwadile kunnodya mwanagwe nkati mwangu nangu pakulota nimmalangange kwavamidi, hangulambadile maoni kwamunu

Vagalata 1:18

Napanelo vikapite vyaka vitatu, ndyúka ku Yelusalemu nannola Kepashi kutwa kwikanavo maduva kumi na tano.

Vagalata 2:1

Napanelo vikapite vyaka kumi na nsheshe, nindyúka kavili ku Yelusalemu pamo namu Balinaba, mushimwanda shosho ndímuukanavo Titu.

Vagalata 2:2

Kwanavo nguukile kwamwaa wamaono kutwala kuvaigwiniya ntenga wambone wanguvalanganga kwavamidi, ndíikanavo kanji kwagweka avalá váshaaneka kuva vakuvaikila ngwambambidya nakapanji ninkutumbama kwali nditumbama yamonyo.

Vagalata 6:3

Munu akalyona kuva munu shii kanji akavé, ankulishang'apila jo mwene.

Vaepeshu 2:20

Mundidangegwa pashanya vamyombe na vakulava, lijanga likumene lyashitunduvangilo kuva Klistu.

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Vakoloshu 1:29

Kwashabaa ai, ninkukola shimadengo shakupwateka ngulikanyalidya kwodananavo shimadengo shake shikóla namene madengo nkati mwangu na dimongo.

I Timoti 3:15

ila nikakakova umanye mwashi mwakunamila munu nng'ande mwa Nnungu lìvele liganisha lya Nnungu mumi, libodo na shitunduvangilo shaumwiu.

I Nshuwau 1:3

Aijá watungwene na watumwigwite, tunkummalangangila mwenu momo kwambangidya namwenu muvenavo upamo namu wetu, namwiu upamo wetu unkupagwa namu Atata pamo na Mwanagwe, Yesu Klistu.

Maono 3:12

“ ‘Nkútema nantenda kuva libodo lyaing'ande ya Nnungu wangu na mwiko hauma kavili. Ndamwandika lina lya Nnungu wangu na lina lyanjini wa Nnungu wangu yani Yelusalemu yaambi yalakéla kuwa kwa Nnungu wangu; namomo ndamwandika lina lyangu lyaambi.