Vagalata 2:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Ing'ano ai ishashambwike na vanung'unumunu vakushang'apa vainjidíle na malotelo ashipiipii. Vanavo vandílijalanianga kwida ndapalalesha unaiti wetu watuvenavo nkati mumwe Klistu Yesu kwambangidya vatuukenavo muutumwa.

Vagalata 2:4 ပူးပေါင်းရင်းမြစ်များ

Lukashi 5:38

Vatwala ugwalwa waambi kutaa muvitumba vyambi.

Vitendo 15:1

Napanelo vanu vanji vandyúma ku Yudeya kuka ku Antiyokiya kutwala kutunduvanga kuvapundisha vanung'unumunu vaashidoni, “Mwenu vakanankumula likumbi kenga mwalilatela lidyavalelo lyake Musha, mwiko hamwambolegwa.”

Vitendo 15:24

“Wetu tundigwa kenga pakati petu vandyuma vanu bila lilamulo lyetu kwida nantindinganianga na vitangodi vyave mpaka kuntadya mmanu kummilinganianga makumbukililo.

Vitendo 20:30

Namomo pakati penu vandabuka vanu vatangola vinu vyakudinguwanga pakulota vavaute vakwoda vavode vanavo.

Valoma 8:15

Doni, mwenu hamupatile imumu yautumwa muka kavili mukujopa kanji munimpata Imumu wamwanamunu; nkati mwake wetu tunkulila, “Aba, Atata.”

II Vakolintu 11:13

Mwaa vanu avo ni vamyombe vakushang'apa, vamadengo vakuduwanga valijaluwánga kuva vamyombe vamwe Klistu.

II Vakolintu 11:17

Shangutangola mukulishiya kwakulyumya shumbi aku, hangunatangola shinu nimwoda Umu kanji kenga ninjinga.

II Vakolintu 11:20

Mwenu munkulipililila ata mpaka munu akamuukanavo muutumwa, kwali akanshonda, kwali akankangola, kwali akankoma malatuma.

II Vakolintu 11:26

Ngwengwe nguvé mushimwanda, muvijoidyo vyadyundi, muvijoidyo vyamajambashi, muvijoidyo vyavakwetu, muvijoidyo vyavamidi, muvijoidyo munjini, muvijoidyo kushimbweshe, muvijoidyo mudimanga na muvijoidyo pakati pavanung'unumunu vakushang'apa,

II Vakolintu 3:17

Mwenu, Umu ni Imumu na pashinu papagwite Imumu wake Umu, apo upali unaiti.

Vagalata 1:7

Kwakutangola mwiu haunava unji ila vapali vanji valota kuntindinganianga na kuvilinganianga ntenga wambone aulá umwe Klistu.

Vagalata 4:25

Agali ni lishinga lya Shinai livéle ku Alabiya liitíka kuva Yelusalemu yamaduvano mwaa yanavo inkupagwa muutumwa pamo na vanavake.

Vagalata 4:3

Nawetu momo patuvéle tuvadyoko tuvele muutumwa wamavalelo amushilambo ashi.

Vagalata 5:1

Ivele mupagwe muunaiti shitadídye Klistu amwambole; napavedoni linatele, hamunatawaligwe kavili na likangoti lyautumwa.

Vagalata 5:10

Nangu ninkuvanavo wakika nkati mumwe Umu kenga hamukumbukilila mushinu munji. Aijá ántindinganianga ata pakavéle nyani, andaukumigwa.

II Timoti 3:6

Pakati pavanu ava ni avalá vainjíla nding'ande ndavashomba vakongwe vakudabadabanga vakwidapelwa na shimadambi valangalalégwa na ditamaa dyakula inamuna.

Tiyagu 1:25

Kanji napane álaledya shana lilamulo lyashalowa-uti líidanavo unaiti, jo ánanopa na ákalivaliva ashilá shaigwite ila atandedya, ajo andaalaligwa kwa ashilá shatenda.

I Patulu 2:16

Nama kenga mmanu múvele muunaiti ila hamunatumile kuliinikidya unaiti awo pakulota kutenda vinu vyakunyata; nama kenga mmatumika vake Nnungu.

II Patulu 2:19

Vanavo vankulivikila kuvapa unaiti kumbe vo vene vo, ni vatumwa vaudagwa. Mwaa ashilá shintamíle munu, nae ni ntumwa washinu asho.

I Nshuwau 4:1

Mmakunagwaleka, hamunakulupile kula imumu kanji tenda nningo dimumu adyo ikava kenga dyaloka kwa Nnungu mwaa mushilambo amu vandyumilila vakulava voe vakushang'apa.

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.