Vagalata 1:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Napanelo nangu ninkunshanga mwenu mwaa muwakati ungwipi tu mundimwambukanga aijá ánshamile mupagwe muumonyo wake Klistu kutwa kwoda ntenga wambone unji.

Vagalata 1:6 ပူးပေါင်းရင်းမြစ်များ

Malukushi 6:6

Nadoni nae andíshanga kwamwaa waungakulupila wave. Napanelo nae kuma kupita apundisha mumakaja ashitanono.

Nshuwau 9:30

Munu jo kuvajang'ula doni, “Kulava mwenu! Mwenu ata mukanamanye kwalakadile kanji ni jojo ángutadidye nangu ngulole.

Vitendo 15:11

I davo, wetu tunkukulupila kenga kwaindila yaumonyo wake Umu Yesu, wetu tundyambolegwa kulingana kenga mo mwavaambwalagwidye vanavo.”

Valoma 10:3

mwaa vàvele mukutikinanga ishaliya yake Nnungu na valambela vabuni ishaliya yavo vo vene havalivikile mwina mwaishaliya ailá ya Nnungu.

Valoma 5:2

Kwaindila yake nae namomo wetu tundipata litala lyakwinjila kwalikulupililo muumonyo au watupagwa na tunkulitamangila mulilindilililo lyalishangelo lyake Nnungu.

Valoma 8:28

Tundimanya napane kwa avalá vannagwalédya Nnungu ankuvatandela uti kwauwambone, vo vávashamile kwodananavo malotelo ake jo mwene.

Valoma 8:30

Doni, avalá vávapangidile kaladavo, vovo vo andivashema na vo vávashamile vo, andivavalangilila ishaliya na vo vávavalangangilidile ishaliya vo, nae andivapa lishangelo.

I Vakolintu 4:15

Mwenu, ata ikava kenga munkuvanavo vakunnela makumi manga nkati mumwe Klistu, hamuvenavo vatatavenu voe mwaa kwaindila yantenga wambone nangu nimmaleka mwenu nkati mumwe Klistu Yesu.

II Vakolintu 11:4

Mwaa ikava kenga andaaloka munu junji nammalangangila mwenu Yesu junji watukammalangénge wetu, kwali ikava kenga mundapwashalela imumu inji yamukapwashaladíle, kwali ntenga wambone unji wamukapwashaladíle, mwenu uti avi munkulipililila shana!

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

Vagalata 1:11

Mmanung'unumunu, ninkulota mumanye doni ntenga wambone wanguvalanganga haunava shinu washimunu.

Vagalata 1:15

Kanji napanelo Nnungu aningutandola tangu kala nikanava kuvalekwa na aningushema kwaindila yaumonyo wake.

Vagalata 1:7

Kwakutangola mwiu haunava unji ila vapali vanji valota kuntindinganianga na kuvilinganianga ntenga wambone aulá umwe Klistu.

Vagalata 2:14

Bai pangugwene kenga havanauka shana nkati muumwiu wantenga wambone, ndímwaulila nae paumbala doni, “Wako umuyuda kanji unkunama kenga ummidi i kenga muyuda. Napane mwaa shani uvalamulila vamidi vaname kenga vayuda?”

Vagalata 2:2

Kwanavo nguukile kwamwaa wamaono kutwala kuvaigwiniya ntenga wambone wanguvalanganga kwavamidi, ndíikanavo kanji kwagweka avalá váshaaneka kuva vakuvaikila ngwambambidya nakapanji ninkutumbama kwali nditumbama yamonyo.

Vagalata 2:5

Wetu hatulidabadabyénge kuvaigwilila vanavo kulamana na padyoko vela pakulota umwiu wantenga wambone uliikiniye kwenu mwenu.

Vagalata 2:7

Vanavo valakilé kwanjadedya kutwa kumanya do, ntenga wambone wo, ndikulupiligwa nangu kwavakakumuligwe kenga Patulu kwavakukumuligwa

Vagalata 5:14

Mwaa lilamulo uti vandiipiyanga mulilove limo, “Nnagwaledye mujo kenga mwaulinagwaladedya wako umwene.”

Vagalata 5:4

Mwenu múlambela mupate ishaliya kwalilamulo, mundilyapula kumwe Klistu, mundipalanyoka muumonyo wa Nnungu.

II Vateshalonika 2:14

Kwakwambolegwa aku nae aninshema mwenu kwaindila yantenga wambone wetu kwambangidya mupate lishangelo limwe Umu wetu Yesu Klistu.

I Timoti 1:14

Napane umonyo umwe Umu undipakatika namene kwangu nangu kwalikulupililo na linagwaledyo lipagwíte nkati mumwe Klistu Yesu.

I Timoti 1:3

Kulingana kenga mo mwandikulaililidile nguka ku Makedoniya, wako pagwa ku Epeshu pakulota uvalamulile vanu vanji havanapundishe mapundisho anji

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

II Timoti 2:1

Napavedoni wako mwanangu nanopa muumonyo upagwíte nkati mumwe Klistu Yesu.

I Patulu 1:15

Kanji napane aijá ánshamile jo ni Wakwilimyanga, nimumo momo namwenu momo ava mmakwilimyanga nkati mushinamidyo shenu

II Patulu 1:3

Kwadimongo dyaunnungu wake anditupa uti avilá vyatulota mushingumi na mukunjopa nae kwaindila yakummanya aijá átushamile kwalishangelo lyake jo mwene na kwaushalowa wake uti

Maono 22:21

Umonyo umwe Umu Yesu upagwe na mwenu uti. Ame.