Vaepeshu 6:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Namwenu mmanang'olo, vatandele momo vatumwa venu na leka kutishanga kwenu mumanya kenga aijá ávele nang'olo wave na nang'olo wenu mwenu uti avelé kuwa na kwake nae, hakupali kupambula.

Vaepeshu 6:9 ပူးပေါင်းရင်းမြစ်များ

Mateu 22:10

Bai vatumika vakauka ndindila uti kupita vavakunganga vanu uti vavashivakodya, vakalau na vambone mpaka pashitamo po kuumbalanila vakulalikigwa.

Mateu 22:8

“Napanelo nae kuvaulila vatumika vake kushidoni, ‘Shitamo ashi mwiu shivelé tayali kanji napanelo vakulalikigwa havavaikidile.

Mateu 24:48

Kanji napanelo ntumika aijá nkalau akatangola shintimatima doni, ‘Nang'olo wangu ankutima kuja,’

Mateu 24:51

Nae anannumulanianga kutwala shingumi shake ndaanganianga na shavamalambi. Kushinu ako kundapagwa shililo na kutuka shulu nkanywa.

Mateu 7:12

Napavedoni kula shinu shamulota mwenu vavenu vantandele, namwenu vanavo vatandele vyovyo mwaa lyolyo ali ni Lilamulo na Vakulava.

Lukashi 6:31

Ashilá shinnagwéla mwenu vantandele, namwenu dadavo vatandele navanavo.

Nshuwau 13:13

Mwenu munkungushema nangu Mwalimu na Nang'olo, munkuvanavo shaliya mwaa ni shosho shanguvele.

Vitendo 10:34

Patulu kutwala kutunduvanga kutangola aashidoni, “Napanelo mwiu ninkumanya kenga Nnungu hanampambula munu

Valoma 2:11

Mwaa kumwe Nnungu hakupali kupambula.

I Vakolintu 1:2

Kwaliganisha lyake Nnungu lipágwa ako ku Kolintu, kwa avalá vatandagwídye kuva vakwilimyanga nkati mumwe Klistu Yesu na vashamagwídye vave vakwilimyanga pamo namu avalá mudisemu uti vatambulánga lina limwe Umu wetu Yesu Klistu, Umu wave na wetu.

I Vakolintu 7:22

Doni, aijá áshamegwa namu Umu àvele ntumwa, nae wamuunaiti umwe Umu. Nimumo momo aijá áshamagwidye àvele muunaiti, nae ntumwa umwe Klistu.

Vakoloshu 3:25

aijá átenda vyakunyata, andalipigwa ko kunyata mwaa hakupali kupambula.

Vakoloshu 4:1

Mmanang'olo, vaangangalange vatumwa venu kwaishaliya na aki mumanya doni, namwenu momo munkuvanavo nang'olo jumo kuwa.

Tiyagu 2:13

ukumu haivanavo shinu shididi kwa avalá vákalodidye shididi. Shididi shindatema paukumu.

Tiyagu 2:8

Ikava kenga mwenu mwiu munkutandedya lilamulo lyashiumu litangaléka mumaandiko liishidoni, “Nnagwaledye mujo kenga mo mwaulinagwaladyedya umwene,” davo po, munkutenda shana.

Tiyagu 5:4

Lola, nshala wavamadengo vapuníle mmashamba enu, mwenu mundivakililisha, wanavo unkulamadikanga. Kutangadikanga kwavakupuna, kwanavo kundiigwinika kumatu kumwe Umu Wavaing'ondo.