Vaepeshu 6:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Kumwisho akuno ling'e dimongo nkati mumwe Umu na nkati mukunanopa kwalyululilo lyake.

Vaepeshu 6:10 ပူးပေါင်းရင်းမြစ်များ

I Vakolintu 16:13

Ava mevo, nanopa mulikulupililo, ava mmakulishiya na mmadimongo.

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

Vaepeshu 1:19

na nyamani ukumene wadimongo dyakupunda uti kwetu wetu túnkulupidile. Dimongo adi dinkulinganana na shimadengo shakunanopa kwalyululilo lyake

Vaepeshu 3:16

pakulota kwautajili walishangelo lyake, antadye munanawangike na dimongo kwaindila yaimumu yake nkati muumunu wenu,

Vapilipo 3:1

Napanelo kumwisho akuno mmanung'unumunu puwanga nkati mumwe Umu! Kumwandikila kavili mwenu malove lolo hashinangukamadyangidya shinu kwangu nangu ila shosho sho ni lishililidyo kwenu mwenu.

Vapilipo 4:13

Uti ninkuulula kutandedya nkati mwake aijá ángupa dimongo.

Vapilipo 4:8

Kumwisho akune mmanung'unumunu, vyoevyoe uti vyaumwiu, vyoevyoe vyaishima, vyoevyoe vyaishaliya, vyoevyoe víkave ushapu, vyoevyoe vyakwalala, vyoevyoe vyashimbili na ikava kenga vipali vivaikidíle kutumbyanga, vinu avyo vikila kuntima.

Vakoloshu 1:11

munanawangika na dimongo uti kwodananavo dimongo dyalishangelo lyake kwakulipililila na kwaupole uti,

II Timoti 2:1

Napavedoni wako mwanangu nanopa muumonyo upagwíte nkati mumwe Klistu Yesu.

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

I Patulu 3:8

Kumwisho akuno ninkushidoni, avanavo makumbukililo amulolo, ava mmashididi, nagwaladyania shinung'unumunu, ava mmanu mmakutanana na mmakulishapeya.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

I Nshuwau 2:14

Mmanavangu, nimwandikila mwaa munimmanya Atata. Mmababa, nimwandikila mwaa munimmanya aijá ápagwite kutunduvangila kunantandi. Mmanemba, nimwandikila mwaa mwenu munkuvanavo dimongo, lilove lya Nnungu linkupagwa nkati mwenu na munintema aijá nkalau.