Vaepeshu 5:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ kwambangidya alikamudye jo mwene liganisha lyalishangelo, líkave lilemba na ata unyadi kwali vinu vyoevyoe kenga avyo kanji lyakwilimyanga na líkave makosha.

Vaepeshu 5:27 ပူးပေါင်းရင်းမြစ်များ

II Vakolintu 11:2

Mwenu, dukuduku yanguvenavo kwenu mwenu ni dukuduku yakwalakela kumwe Nnungu mwaa nangu ndilivikila kunnombya mwenu kwannume jumo; ndikankamudye kumwe Klistu kenga mwali ntete ákave ushapu.

II Vakolintu 4:14

tumanya kenga aijá ándyuwidye Umu Yesu, andatudyuwa nawetu momo pamo namu nae kutwala kutuukanavo pamo namu mwenu pamevo pake.

Vaepeshu 1:4

kenga mo mwatutandaladile nkati mwake tangu kala shilambo shikanava kukandyangigwa pakulota tuve vakwilimyanga na túkave makosha pamevo pake. Nae anditutandola mulinagwaledyo

Vakoloshu 1:22

ambi apa nae andimuunganianga kavili mumili wake washimunumunu kwaindila yakupela kwake kwambangidya nae akannodye mwenu mùvele mmakwilimyanga, múkave makosha na kwabila kupagwa shakunkanidyanga pamevo pake Nnungu

Vakoloshu 1:28

Ni jojo watummalanganga, tuduma na tumpundisha kula munu nkati mulimanyilo uti pakulota tunnodye kula munu washalowa-uti nkati mumwe Klistu.

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

I Patulu 1:19

ila mundyambolegwa kwamyadi vivénavo mana vimwe Klistu, myadi vyo vivéle kenga vyangandolo ákave makosha na ákave lilemba.

II Patulu 3:14

Napavedoni mmakunagwaleka, akuno mulindila vinu avi likanyalidye pakulota nae ankodye nkati mu amani, múkave lilemba na múkave likosha.

Yudashi 1:21

nanopa nkati mulinagwaledyo lyake Nnungu akuno mulindila shididi shake Umu wetu Yesu Klistu pakulota shintwale muke kushingumi shíkamalilika.

Yudashi 1:24

Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,

Maono 14:4

Ava ni vanu vákalidabuwenge mwavakongwe mwaa vandilishunga mushingumi shave uti. Vanavo vankumwoda Ngandolo kwoekwoe kwauka. Vovo vo, vandishumigwa pakati pavanu kwambangidya vave shadaka shitandi shakumuumidya Nnungu na Ngandolo.