Vaepeshu 5:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ pakulota atadye kuva lyakwilimyanga paushanienge ushapu kwakuukanga na medi kwaindila yalilove

Vaepeshu 5:26 ပူးပေါင်းရင်းမြစ်များ

Nshuwau 13:10

Yesu do, “Munu áliingile medi, iloteka anavange mmadodo gweka mwaa mili wake uti unditakata. Mwenu munditakata kanji i uti.”

Nshuwau 15:3

Mwenu tayali munditakata kwalilove lyanimmalangangidile.

Nshuwau 15:8

Ni amu mwapatila Atata lishangelo; mwenu mukapa vyepo vyoe mukalilodya kuva mmakwoda vangu.

Nshuwau 17:7

Ambi apa vanavo vandimanya kenga uti vyaungupele vyàlakadile kwako

Nshuwau 3:5

Yesu kunjang'ula, “Ninkukwaulila mwiu mwiu, munu akanavalekwa kwamedi na Imumu haulula kwinjila muutawala wa Nnungu.

Vitendo 22:16

Napanelo ulinda nyamani kavili? Takatuka upate ubatisho, madambi ako alivalivigwe utambulanga lina lyake.’

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Valoma 10:8

kanji inkushidashi? “Lilove linkupagwa pepi namu wako, linkupagwa nkanywa mwako na muntima mwako,” yani lilove lyalikulupililo lyatuvalanganga.

I Vakolintu 6:11

Pakati penu po vanji vavele yadavo kanji muukilé ndaukangigwa, muukilé ndatandegwa mmakwilimyanga, muukilé ndavalangiligwa ishaliya mulina limwe Umu Yesu Klistu na mu Imumu umwe Nnungu wetu.

II Vakolintu 11:2

Mwenu, dukuduku yanguvenavo kwenu mwenu ni dukuduku yakwalakela kumwe Nnungu mwaa nangu ndilivikila kunnombya mwenu kwannume jumo; ndikankamudye kumwe Klistu kenga mwali ntete ákave ushapu.

Vaepeshu 6:17

Twala shijulu shashitali shakwambola na lyambila lya Imumu lìvele lilove lya Nnungu.

Vakoloshu 3:16

Lilove limwe Klistu liname namene nkati mwenu, mupundishania na mudumana kwalimanyilo uti, mwimba dimu, dimu dyalutumbyango na vilanga vyaimumu, muvanavo lilambwalalelo mmitima vyenu kwa Nnungu.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vabalaniya 10:10

Kwamwaa wamalotelo ala, tundyuka ndatandegwa vakwilimyanga kwaindila yashadaka shamili umwe Yesu Klistu ukíle ndaumigwa kwamwanda umo tu bai.

Vabalaniya 10:14

mwaa kwaindila yashadaka shimo tu, nae andivatadya vawikile popo ngwengwe ngwengwe avalá vatandégwa kuva vakwilimyanga.

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Vabalaniya 10:29

Kushi aijá ánnivatanga Mwana wa Nnungu na jojo jo áiludyanga myadi vyaimbodi vimwilimyénge nae na kuntukana Imumu waumonyo, da mwenu mwona dashi, munu ajo havaikidile kupata shaushanga shakumamodya?

Vabalaniya 13:12

Nadoni Yesu momo andyuvauvanga panda likaja pakulota kuvatadya venentete vave vakwilimyanga kwaindila yamyadi vyake jo mwene.

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

Tiyagu 1:18

Kwamalotelo ake jo mwene, nae andituvaleka kwaindila yalilove lyake lyaumwiu kwambangidya tuve kenga vyepo vitandi muviumbe vyake.

I Patulu 1:2

munditandalegwa kwodananavo mwamanyilile kaladavo Nnungu Atata na munkutandegwa mmakwilimyanga kwaindila ya Imumu pakulota mumwigwilile Yesu Klistu ámyayangidile myadi vyake. Umonyo na amani vyanjadyeke kwenu mwenu.

I Patulu 3:21

Nadoni ashi ni shimanyikilo shaubatisho umwambóla mwenu ambi apa, wanavo haunaushanianga shinu ushapu washimunu ila ni kulijugwangila kwamakumbukililo ambone amuntima pamevo pake Nnungu kwaindila yakudyuka kwake Yesu Klistu

II Patulu 1:9

Mwaa aijá ákavenavo vinu avi, andiputala ankwona bai vyapepi àlivalidile kuushaniangigwa ushapu washimadambi shake shakala.

I Nshuwau 5:6

Aju ni aijá áalakadile kwaindila yamedi na yamyadi, Yesu Klistu i gweka kwaindila yamedi kanji namomo kwaindila yamedi na yamyadi. Imumu ni áing'a ushuda mwaa Imumu ni umwiu.

Yudashi 1:1

Nangu Yudashi ntumwa umwe Yesu Klistu na nene ni nung'une Tiyagu, kwenu mwenu mmakushamegwa múnagwaleka nkati mumwe Nnungu Atata na múshungigwa kwamwaa umwe Yesu Klistu.