Vaepeshu 5:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ kula munu alivika mwina mwamuje kwakumwishimu Klistu.

Vaepeshu 5:21 ပူးပေါင်းရင်းမြစ်များ

I Vakolintu 16:16

Doni, livike mwina mwavanu kenga ava na kula mmádengomwave ákola shimadengo shakupwateka.

II Vakolintu 5:11

Napavedoni pakuva tundimanya kunjopa Umu, tunkuvashomba vanu. Shatuvele sho, shinkumanyika na Nnungu; ninkulindila kenga shinkumanyika momo mmakumbukililo enu amuntima.

II Vakolintu 7:1

Mmakunagwaleka, pakuva tunkuvanavo vyakulivikila avi, tulyushaniange vyaudagwa uti vyamumili na vyamwimumu tuwisha popo kwilimyanga nkati mukunjopa Nnungu.

Vagalata 5:13

Mmanung'unumunu, ivele mupagwe muunaiti shitadídye mushamegwe kanji napane unaiti awo haunave nkanidyo wakulota kutandedya malotelo enu ashimunumunu ila inimmaikila mutumikane shivenevene kwaindila yalinagwaledyo.

Vaepeshu 5:22

Mmadyamunu, kula munu alivike mwina mwantwamunu kenga mo mwaivalalele kumwe Umu

Vaepeshu 5:24

Nadoni kenga mo mwalilivikila liganisha mwina mumwe Klistu, namomo mwenu mmadyamunu livike muvinu uti mwina mwavatavenu.

Vapilipo 2:3

Hamunatende shinu shoeshoe kwamashindano na ata kwakulyona kwamambinya kanji kwakulishapeya, kula munu amwone muje kupagwa muwa mwake nae.

I Timoti 2:11

Nkongwe inimmaikila alipundishe mukulimaladya alivika mwina muuti.

I Timoti 3:4

Ave munu álangalalela shana ing'ande yake jo mwene àvenavo vana valivíka mwina mwake kwaishima uti.

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

I Patulu 2:13

Kwamwaa umwe Umu, livike mwina muunanangalaledi uti wavanu uvikígwe pakati penu kwali umu nang'olo ákuva malamulo

I Patulu 2:17

Mwishimu kula munu, vanagwaledye vanung'unumunumwenu, njope Nnungu na mwishimu umu.

I Patulu 5:5

Nimumo momo mwenu mmanemba livike mwina mwavanang'olo. Mwenu uti gwala kulishapeya pakulota muulule kutumikana mwaa “Nnungu ankuvapinga vakulyona ila ankuvapa umonyo vakulishapeya.”