Vaepeshu 4:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

Vaepeshu 4:30 ပူးပေါင်းရင်းမြစ်များ

Malukushi 3:5

Akavalole vanu uti vantang'anadídye avalá kwashitundi akuno àvenavo shipalodi shoe kwamwaa wakunanopa mitima vyave, nae kumwaulila munu jo doni, “Nyalodya nkono wako!” Nae kunyalodya kutwala nkono kuujila kuva ungumi.

Lukashi 21:28

Pavilota kutandeka vinu avyo, mwenu takatukanga mwimilange munyanyulile vilaka kuwa mwaa kwambolegwa kundivandika.”

Nshuwau 3:33

Aijá áitikila ushuda wake ankuntaa namakong'o kenga Nnungu ni ávenavo umwiu.

Vitendo 7:51

Kukumalilila Shiteva kushidoni, “Mmanu mmaimbeve, múkakumuligwe mmitima na kumatu, múmpinga ngwengwe Imumu Wanashwe. Kenga mo mwavatandalele vanyakalavenu, namwenu momo munkutandela momo.

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Valoma 8:23

i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

I Vakolintu 15:54

Napanelo wakulambaleka paulota kuligwadya ungalambaleka na wakupela paulota kuligwadya ungapela, apo ni palilota kuwikila popo lilove lyandikígwe, “Kupela andimiligwa mukutema.”

I Vateshalonika 5:19

Hamunandime Imumu.

Vabalaniya 10:29

Kushi aijá ánnivatanga Mwana wa Nnungu na jojo jo áiludyanga myadi vyaimbodi vimwilimyénge nae na kuntukana Imumu waumonyo, da mwenu mwona dashi, munu ajo havaikidile kupata shaushanga shakumamodya?

Vabalaniya 3:10

Napavedoni ndíshimwa kwamwaa wavanu vaimbula ayo kutwala kushidoni, ‘Mitima vyave ngwengwe vinkuka vyashalanga, vanavo havanamanya shinu dindila dyangu.’

Vabalaniya 3:17

Da vakwashi vavavikidile Nnungu shitundi muvyaka alubaini? Da havanava shinu avalá vatagíle kutwala mili vyave kushikigwa kushimbweshe?