Vaepeshu 4:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Áshiva, hanaive kavili ila akole madengo atenda shinu shambone kwamakono ake pakulota dashi, apate ashilá shakumpwashela aijá ákave pashinu.

Vaepeshu 4:28 ပူးပေါင်းရင်းမြစ်များ

Lukashi 19:8

Kanji Shakeu andítakatuka kumwaulila Yesu kushidoni, “Nang'olo ngwigwa, nangu ndatwala inushu yamali angu ndivape vamashikini; ata akapagwa munu wanimwividile shake, ndamuujidya nimwanjadyedya myanda nsheshe.”

Lukashi 3:8

Lodya vyepo vilódya kulijugulanga. Hamunaashidoni, ‘Tatagwetu wetu Abulaamu.’ Mwaa nangu ninkummanyiya ngala doni, ata majanga lolo ala, Nnungu ankuulula kundyuwidya Abulaamu vana.

Nshuwau 12:6

Nae andítangola davo i kwamwaa wakuvatanana vamashikini kanji mwaa wakuva nkwíva. Lipeta lyanjuluku lishiikala namu nae; njuluku úshiinjila amo, nae ashindadadamola.

Nshuwau 13:29

Kwoda Yudashi avele munu áshiwenanavo lipeta lyanjuluku, vanji vashona kenga amwaulila auke akashume vinu vilotéka pashikukulu kwali auke akavajavile vinu vákalyulula.

Valoma 12:13

Kwa avilá vivóva vakwilimyanga, shangila. Kuvapwashalela vajeni, lambela.

I Vakolintu 4:12

tunkukola shimadengo shakupwateka kwamakono etu tuvene. Pavatutukana tunkuvaalaliya, pavatupapata tunkulipililila,

II Vakolintu 8:12

Mwaa ikapagwa dukuduku, nshango unkukubaligwa kwodananavo ashilá shavenavo munu i shakavenavo.

II Vakolintu 8:2

Doni, nkati mumauvilo oe, kuumbaligwa kwalipuwilo lyave na ungave-pashinu wakumamodya wave, undipakatika utajili wakujaula kwaupande wave.

Vagalata 6:10

Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

Titu 3:14

Vetu wetu vo, valipundishe kwangaikangila vitendo vyambone pakulota vaangangalange vinu vikumene vitakígwa na havanave vákapa vyepo.

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.