Vaepeshu 4:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

Vaepeshu 4:17 ပူးပေါင်းရင်းမြစ်များ

Lukashi 16:28

Ninkuvanavo vanung'unuvangu mwanu vangulota auke akavaumidye ushuda kwambangidya vanavo havanaide momo mulyutu ali lyamauvilo.’

Vitendo 14:15

vaashidoni, “Mwenu, mwaa shani munkutenda davo? Wetu apa, tuvanu túumbigwe kenga mwenu; apa wetu twidilé nammalangangila ntenga wambone pakulota muleke vinu vyamambinya avi, mushinjiulile mitima vyenu kwa Nnungu mumi ákandyenge kuwa na pai, imanga na vinu uti vipagwíte mumautu alo.

Vitendo 18:5

Napanelo Shilashi namu Timoti pavawikile vaalakela ku Makedoniya, Paulu ashindabanigwa kwalilove aumya ushuda kwavayuda kenga Klistu ni Yesu.

Vitendo 2:40

Napane kwamalove anji oe ashindaumya ushuda na auka mushu avajugwangila kushidoni, “Liposhe mushaushanga shiidíla udukulu au wantau.”

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Valoma 1:21

Mwaa vàmmanyite avi Nnungu, havampele lishangelo kenga Nnungu na ata havannambwaladile kanji vanavo mmakumbukililo ave vandinyambikanga na mitima vyave vyaujinga vindyumbala shii.

I Vakolintu 1:12

Ninkutangola doni mwaa kula munu pakati penu ankushidoni, “Nangu umwe Paulu,” kwali “Nangu napane umwe Apolu,” kwali “Nangu napane umwe Kepashi,” kwali “Nangu napane umwe Klistu.”

I Vakolintu 15:50

Napanelo ninkushidoni mmanung'unumunu, mili na myadi havyulula kupata kenga maleko utawala wa Nnungu na ashilá shilambaléka hashuulula kupata ungalambaleka.

II Vakolintu 9:6

Nidoni, ápanda padyoko, andapuna padyoko; ápanda poe, andapuna poe.

Vagalata 3:17

Shangutangola ni ashi, Nnungu papangile imbodi tangu kala, likaumilile lilamulo ling'oto lyavyaka dimiya nsheshe na selasini, halanatingudyanga shinu imbodi yo yakulota kutimbanga akulá kulivikila.

Vagalata 5:3

Ninkwakikisha kavili kenga kula munu ákumuligwa likumbi, nae ankudaigwa atandedye lilamulo uti.

Vaepeshu 1:22

Nae andivika vinu uti mmadodo mwake kutwala kunjaula kuva kenga nangangonda wavinu uti kwaliganisha,

Vaepeshu 4:22

kwaing'ano yamavalelo akala, mupundishigwidyé kumula munu wenu wakala, munu jo abamalegwa na malotelo akushang'apa,

Vakoloshu 2:18

Hamunanneke munu ampoka lidaka lyenu kwakupuwangila namene mukulishapeya na mukulipudya kwavanjelo, atadolyatadolya avilá vyagwene na alitumbudyatumbudya mumakumbukililo ake ashimunumunu.

Vakoloshu 2:4

Avi ninkumwaulila pakulota hanapagwe munu wakunduwanga na malove akuutila

I Vateshalonika 4:6

Kwaing'ano ai, hanapagwe wakunkwinyanga kwali wakunshonda nung'unumunu mwaa kwavinu vyovyo avi, Umu ni nkúlipilila kenga mo mwatumwaulidile kaladavo na mwatuumididye ushuda ngala.

I Timoti 5:21

Ninkumya ushuda pamevo pamwe Nnungu, pamwe Klistu Yesu na pavanjelo vakutandalegwa doni, vinu avi vikila kuntima bila kupambula paukatandedya shoeshoe kwashitete.

I Timoti 6:13

Ninkukulamulila pamevo pa Nnungu jo áing'a shingumi vinu uti na pamevo pamwe Klistu Yesu áumidye ushuda wambone pamevo pamwe Ponji Pilatu,

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

I Patulu 1:18

Mwaa mwenu mundimanya doni, mundyambolegwa nkati mushinamidyo shenu shamambinya shamuukile ndapata kwavanyakalavenu i kwaindila yavinu vitimbikánga kenga nkuva kwali shaabu,

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.