Vaepeshu 4:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ mpaka uti tuwikile muupamo walikulupililo na walimanyilo lya Mwana wa Nnungu; doni, mpaka tukave tuvanu tuvakukamala túwikidile shipimo shashilinga shaumbala umwe Klistu

Vaepeshu 4:13 ပူးပေါင်းရင်းမြစ်များ

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Nshuwau 1:16

Doni, mukuumbaligwa kwake, wetu uti tundipata umonyo kuleka umonyo

Nshuwau 16:3

Vinu avi vandatenda mwaa havammanyite Atata na ata nangu momo havangumanyite.

Nshuwau 17:21

Vanavo uti vave shinu shimo kenga mo mwaupagwididye wako Atata nkati mwangu na nangu kupagwa nkati mwako. Navanavo momo vave nkati mwetu pakulota shilambo shikulupile kenga wako uningutumidya.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Nshuwau 6:69

Wetu tundikulupila na tundimanya kenga wako ni Wakwilimyanga wake Nnungu.”

Vitendo 4:32

Napanelo imbumba ya avalá váshikulupila, ntima wavo uvele umo wowo; hapali munu ashona kenga ashilá shavenavo shàke mwene gweka kanji kula shinu shishiva shaupamo.

I Vakolintu 1:10

Mmanung'unumunu, palina limwe Umu Yesu Klistu ninkunnaililila mwenu uti mwigwane na hakunapagwe kwapukananga pakati penu kanji ava mmakuungana nkati muding'anong'ano dimo dyodyo na mumakumbukililo amo lolo.

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

I Vakolintu 2:6

Kanji napane pakati pa avalá vakaméle, limanyilo tundátangola ata likanava limanyilo lyawakati au kwali lyavakutawala vawakati au vo vapagwíte nkati mukulambaleka.

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

Vagalata 4:19

Mmanavangu, mwemwe mmanimuvauvangila kavili mauvilo alalá akuvaleka mpaka Klistu aliikiniye kwenu,

Vaepeshu 1:17

Ndájugwa doni, Nnungu umwe Umu wetu Yesu Klistu, Tatamunu Walishangelo, amupe imumu yalimanyilo na yamaono nkati mukummanya shana nae

Vaepeshu 1:23

liganisha lyo ùvele wo mili wake; kuumbala kwa aijá áumbadya uti kwauti.

Vaepeshu 2:15

aputanga ishaliya yalóka mulilamulo inanapela muvyakulamulila. Nae atandilé davo pakulota vavili ava nkati mwake avatende kuva munu jumo waambi atandedya amani

Vaepeshu 4:12

pakulota ivé dashi, vavapanganiange vakwilimyanga kwashimadengo shautumika kwakudenga mili umwe Klistu

Vaepeshu 4:3

muvanavo ntima wamalotelo akushunga upamo wa Imumu kwaindila yakuungana kwaamani.

Vaepeshu 4:5

Umu jumo, likulupililo limo, ubatisho umo,

Vapilipo 3:10

Ngulota nimmanye Klistu, ngumanye dimongo dyakudyuka kwake na ngupagwe muupamo wamauvilo ake ngulinganana namu nae mukupela kwake

Vapilipo 3:8

Ata kwakupunda apo, ninkwona vinu uti kuva vyakujaika kwamwaa waukumene wakumamodya walimanyilo limwe Klistu Yesu Umu wangu, aijá waninjaikangila vinu uti. Avyo uti ninkwona kuva dinywashwa kwambangidya nimpate Klistu

Vakoloshu 1:28

Ni jojo watummalanganga, tuduma na tumpundisha kula munu nkati mulimanyilo uti pakulota tunnodye kula munu washalowa-uti nkati mumwe Klistu.

Vakoloshu 2:2

pakulota doni, mitima vyave vinanawangike vàungene mulinagwaledyo kwambangidya vapate mali uti auwakika uti aalakéla mulimanyilo kwambangidya dashi, vamanye shipii shimwe Nnungu, jo Klistu aju.

Vabalaniya 5:14

Kanji shakulya shakukama ni shavanu vakulumwíke, vanavo kwamwaa wakulidyavalakedya ngwengwe, vankuvanavo lyululilo lyakupambula wambone na wakunyata.

II Patulu 1:4

kwaindila yavyanavo nae andilivikila vikumene na vyamana kwetu wetu kwambangidya dashi kwaindila yavyakulivikila, mwenu muke mukave mmakuliinjidyanga mumavalelo aunnungu mùpalanyweke muudagwa upagwíte mushilambo kwamwaa wamalotelo ashimunumunu.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.