Vaepeshu 4:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Aijá áshulwike ni jojo ákwadile pashanya pakuwa-uti kwambangidya aumbadye vinu uti.

Vaepeshu 4:10 ပူးပေါင်းရင်းမြစ်များ

Mateu 24:34

Ninkumwaulila mwiu doni, vanu vaimbula ai havamalilika vinu avi vikanava kutandeka.

Lukashi 24:44

Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.”

Nshuwau 1:16

Doni, mukuumbaligwa kwake, wetu uti tundipata umonyo kuleka umonyo

Nshuwau 19:24

Nadoni vaing'ondo vandyáulanila doni, “Ikanju ai hatunapapulange. Leka tuntende gudugudu pakulota tummanye nyani álota kupata.” Avi vindítandeka pakulota awikile popo Maandiko aashidoni, “Vandijavananga dinguvo dyangu na ikanju yangu, vanditandela gudugudu.” Ashi ni shavatandile vaing'ondo.

Nshuwau 19:28

Ling'oto lya avyo Yesu amanya kenga uti vindimalilika na pakulota Maandiko awikile popo, nae andítangola kushidoni, “Inangukola inyota.”

Nshuwau 19:36

Vinu avyo vitandeke pakulota awikile popo Maandiko aashidoni, “Halipagwa ligwangwa lyake ata limo lilóta kutameka,”

Vitendo 1:11

kutwala kushidoni, “Mmagalileya, mulalela nyamani kuwa? Jo Yesu wavamuumidye pakati penu kuka kuwa, andaaloka kenga mo mwamumwanalele auka kuwa.”

Vitendo 1:9

Akatangole malove alo, nae kutanduligwa vanavo vamwona kwinjila mulyundi kutwala kugwalagwala pavakamwona kavili.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vitendo 3:18

Kanji napavedoni, Nnungu anditandedya ashilá shatangwéle kala kwaindila yavakulava vake uti kenga Klistu wake inimmaikila auvauvange.

II Vakolintu 12:2

Nimmanya munu nkati mumwe Klistu, vyaka kumi na nsheshe vipitíle kunyuma, andítanduligwa mpaka kuwa kwantatu, kwali aukile na mili kwali haukile na mili hangumanyite, ámanya ni Nnungu.

Vaepeshu 3:19

mumanye linagwaledyo limwe Klistu lipúnda limanyilo kwambangidya mwenu muumbaligwe na umbala wake Nnungu.

Vakoloshu 1:19

mwaa Nnungu ininnagwela kuumbaligwa kwake uti kuname nkati mwake nae

Vakoloshu 2:9

Mwaa nkati mwake nae, kuumbaligwa uti kwaunnungu kunkunama mumili.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Vabalaniya 4:14

Napavedoni pakuva tunkuvanavo nkúlangalalela-shadaka nkumene-uti áinjidile kuwa, Yesu Mwana wake Nnungu, indituvaikila tunanope mu ashilá shatulyaula.

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

Vabalaniya 8:1

Mwenu, shikumene shatwambangila mwaa apa ni ashi, tunkuvanavo nkúlangalalela-shadaka nkumene kenga aju jo áikele kunkanakono washiteng'u shimwe aijá Wakujowa walishangelo, kuwa