Vaepeshu 4:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Vaepeshu 4:1 ပူးပေါင်းရင်းမြစ်များ

Vitendo 9:31

Bai liganisha lya ku Yudeya, lya ku Galileya na lya ku Shamaliya lindívanavo amani na lishindaliimiliyanga; linama mukunjopa Umu na mukumpambadyangigwa kwa Imumu Wanashwe, lyanavo lishindaanjadyeka.

Valoma 11:29

Mwaa dinudyo na kushema kumwe Nnungu, hakunaputangigwa.

Valoma 12:1

Napavedoni mmanung'unumunu, ninkunnaililila kwashididi shake Nnungu lyumye mili vyenu kumwe Nnungu kenga shadaka shingumi, shakwilimyanga na shinnagwéla Nnungu; aku ni kulipudya kwenu kwaimumu.

I Vakolintu 4:16

Napavedoni ninkunnaililila pakulota muve mmakujedya vangu.

II Vakolintu 10:1

Mwenu, nene nangu Paulu ninkunjugwangila mwenu kwakulishapeya na kwaupole umwe Klistu, nene ngwaneka kuva wakulishapeya pangupagwa namu mwenu kanji ninkali ndikanapagwa.

II Vakolintu 5:20

Napavedoni wetu ni mabaloshi vamwe Klistu; Nnungu alaililila kwaindila yetu wetu. Tunkunjugwangila kwamwaa umwe Klistu, mwigwane namu Nnungu.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

Vagalata 4:12

Mmanung'unumunu ninkunjugwa muve kenga nangu mwaa nangu momo nguvalalelé mo mwamuvalalele mwenu. Hashipali shamungwanadile

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vaepeshu 3:1

Kwamwaa au nangu Paulu, nkúngwa umwe Klistu Yesu kwauwambone wenu mwenu mmamidi;

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

Vaepeshu 4:4

Unkupagwa mili umo na Imumu jumo kenga mo mwavanshamalele mwenu kwalilindilililo limo lyakushamegwa kwenu,

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

Vapilipo 3:14

Nguka mushu ngulikanyalidya ndikawikile shabaa yainudyo yakushema kwake Nnungu kwalakéla kuwa nkati mumwe Klistu Yesu.

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

Vakoloshu 2:6

Napavedoni pakuva mwenu munimpwashalela Klistu Yesu kenga Umu, nama nkati mwake

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

I Vateshalonika 2:12

tunnaililila, tumupa ntima shii na tunkanyalidya pakulota muname shinamidyo shimmaikíla Nnungu aijá ánshamile muutawala wake jo mwene na mulishangelo lyake.

II Vateshalonika 1:11

Kwaing'ano ai tunkunshwalidya mwenu ngwengwe kwambangidya Nnungu wetu antadye mwenu muve mmakuvaikila mukushema kwake na muwishe popo kwadimongo dyake malotelo uti auwambone na kula shimadengo shalikulupililo

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

Titu 2:10

pavakaiva kanji valodya kukulupilika kwambone uti kwambangidya vanemye muvinu uti, mapundisho ake Nnungu Mwamboli wetu.

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

I Patulu 2:11

Mmakunagwaleka, kenga mmajeni na mmakwaloka, ninkunnaililila pakulota mwambukange malotelo uti ashimunumunu atandána ing'ondo na ungumi.

I Patulu 3:9

Hamunalipilile wakunyata kwawakunyata, hamunalipilile kutukana kwakutukana kanji paikavele davo po, vaalaliye mwaa ni ashi shavanshamalele mwenu kwambangidya mupate kwalaligwa.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

II Patulu 1:3

Kwadimongo dyaunnungu wake anditupa uti avilá vyatulota mushingumi na mukunjopa nae kwaindila yakummanya aijá átushamile kwalishangelo lyake jo mwene na kwaushalowa wake uti

II Nshuwau 1:5

Nadoni nangu ninkukujugwa mama i do, ninkukwandikila lilamulo lyaambi kanji alilá lyatuvenavo tangu kunantandi: doni, tunagwaladyanie.