Vaepeshu 3:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ pakulota kwautajili walishangelo lyake, antadye munanawangike na dimongo kwaindila yaimumu yake nkati muumunu wenu,

Vaepeshu 3:16 ပူးပေါင်းရင်းမြစ်များ

Mateu 6:13

Haunatuukenavo kukutubigwa kanji tuposha kumakono kumwe nkalau.’

Valoma 2:29

kanji muyuda, muyuda muntima na kukumuligwa ni kwamuntima kwaindila ya Imumu i shaandikígwe. Litumbyangidyo lyake nae halinaalakela shinu kwavanu kanji kumwe Nnungu.

Valoma 7:22

Mwenu, nkati muntima mwangu ninkupuwangila lilamulo lyake Nnungu

Valoma 9:23

pakulota uumbala walishangelo lyake umanyike kwavyombo avilá vyamushididi shake vyapanganienge kaladavo kwalishangelo,

I Vakolintu 16:13

Ava mevo, nanopa mulikulupililo, ava mmakulishiya na mmadimongo.

II Vakolintu 12:9

kutwala nae kungwaulila doni, “Umonyo wangu unditosha kwako mwaa dimongo dyangu diwikila popo nkati mukudabadabanga.” Napavedoni ndyona kudyanga kulyumya shumbi mukudabadabanga kwangu kwambangidya dimongo dimwe Klistu ditulile pashanya pangu.

II Vakolintu 4:16

Napavedoni havinatudidima mitima. Ata ikava kenga umunu wetu wapanda unkunda kanji umunu wetu wankati unkutandegwa waambi kula liduva.

Vaepeshu 1:18

alangadya mitima vyenu pakulota mumanye nyamani lilindilililo lyakushema kwake, nyamani kuumbaligwa kwalishangelo lyamaleko ake kwavakwilimyanga

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 2:7

kwambangidya muwakati wída, nae alodye umbala wamali aumonyo wake mulitananilo lyake kwetu wetu nkati mumwe Klistu Yesu.

Vaepeshu 3:15

jojo aijá kwavapata mena ave makola uti akuwa na apai

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Vaepeshu 6:10

Kumwisho akuno ling'e dimongo nkati mumwe Umu na nkati mukunanopa kwalyululilo lyake.

Vapilipo 4:13

Uti ninkuulula kutandedya nkati mwake aijá ángupa dimongo.

Vapilipo 4:19

Nnungu wangu andalinganianga uti avilá vyamulota kwautajili wavenavo mulishangelo nkati mumwe Klistu Yesu.

Vakoloshu 1:11

munanawangika na dimongo uti kwodananavo dimongo dyalishangelo lyake kwakulipililila na kwaupole uti,

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 2:2

pakulota doni, mitima vyave vinanawangike vàungene mulinagwaledyo kwambangidya vapate mali uti auwakika uti aalakéla mulimanyilo kwambangidya dashi, vamanye shipii shimwe Nnungu, jo Klistu aju.

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

Vabalaniya 11:34

vandídima dimongo dyamalamba amoto, vandípalanyoka muuju walyambila; vandídabadabanga kanji vandípata dimongo, vandítandegwa kuva vadimongo kuding'ondo kutwala kuvavingilidyanga vaing'ondo vakwaloka.

I Patulu 3:4

leka apo, inimmaikila mulinemye mmitima vyenu kunema kúkatimbikanga nkati mwimumu yaupole na yakutulila ivénavo mana makumene namene kwaupande wake Nnungu.