Vaepeshu 2:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Mwaa mundyambwalegwa kwaumonyo kwaindila yalikulupililo; asho hashinaalakela shinu kwenu mwenu, ni inudyo ya Nnungu.

Vaepeshu 2:8 ပူးပေါင်းရင်းမြစ်များ

Mateu 16:17

Yesu akanjang'ula kushidoni, “Undijaligwa wako Simoni Bali-Janashi! Hanava shinu munu ákupundishidye vinu avi ila ni Atata ávele kuwa.

Mateu 20:9

Vakawika avalá vasakumi kula munu kupata dinali imo imo.

Malukushi 16:16

Aijá álota kukulupila na kubatishwa, andaambwalegwa kanji ákakulupila, andaukumigwa.

Lukashi 7:50

Kanji Yesu andímwaulila nkongwe jo kushidoni, “Likulupililo lyako lindikuposha, wena kwaamani.”

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 4:10

Yesu akanjang'ula kushidoni, “Wako leka ùmanyite inudyo ya Nnungu na ùmmanyite aijá átangola doni, ‘Ngupa medi ngukumbile,’ ukaninjugwa nae na nae akandikupa medi ashingumi.”

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 6:35

Yesu kushidoni, “Nangu ni Ligung'u Lyashingumi. Aijá áida kwangu, hainkola shinu kavili indala na aijá ángukulupila nangu, mwiko hainkola shinu kavili inyota.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 6:44

Hapali munu wakuulula kwida kwangu bila Atata ángutumididye kunnangalalela aide kwangu. Nangu munu ajo, nandyuwa muliduva lyamwisho.

Nshuwau 6:65

kutwala kushidoni, “Ni ashi shitadídye nangu nimwaulile mwenu doni, hapali wakuulula kwida kwangu Atata akampele litala.”

Vitendo 13:39

kwaindila yake nae kula munu ákulupila, ankuvalangiligwa ishaliya.

Vitendo 14:27

Pavawikile, vandíshema liganisha kutwala kuvalanganga vyatandile Nnungu kwaindila yavanavo na mwavapalalele litala vamidi pakulota vavenavo likulupililo.

Vitendo 15:11

I davo, wetu tunkukulupila kenga kwaindila yaumonyo wake Umu Yesu, wetu tundyambolegwa kulingana kenga mo mwavaambwalagwidye vanavo.”

Vitendo 16:14

Pakati pavakongwe váshitwigwilila andípagwa nkongwe jumo áshilipudya kwa Nnungu walina Lidiya áshishumidyanga dinguvo dyakupapeka dyailangi yanshambalau na wakwalakela kulikaja lya Tiyatila. Umu napane andímuungula ntima pakulota kwigwa shana vyashitangola Paulu.

Vitendo 16:31

Vanavo kushidoni, “Nkulupile Umu Yesu, undaambwalegwa, wako pamo na ing'ande yako.”

Valoma 10:14

Napane valota kuntambulanga dashi aijá wávakankulupidile? Na valota kunkulupila dashi aijá wávakamwigwite vammalanganga? Na valota kwigwa dashi akapali munu ávavalangangidile?

Valoma 10:17

Nadoni likulupililo linkwaloka mukwigwa na kwigwa kunkwalakela kwaindila yalilove lyake Klistu.

Valoma 4:16

Ni ashi shitádya kulivikila kunanapele mulikulupililo pakulota kwodanenavo umonyo kwambangidya dashi kuke bila kwambambidya muudukulu uti i gweka wamulilamulo kanji namomo aijá walikulupililo limwe Abulaamu, jo tatamunu wetu uti

Valoma 4:5

Napane aijá ákakola madengo kanji ánkulupila aijá ámmalangilila ishaliya ákave Nnungu, bai likulupililo lyake vanimmalangilila kuva ishaliya.

Valoma 9:16

Napavedoni, ashi shinkunanapela i kwa aijá álota kwali kwa aijá álikanyalidya kanji kwa aijá áanangila shididi, Nnungu.

Vagalata 3:14

Nae andilanigwa kwambangidya kwalaligwa kumwe Abulaamu kukavawikile vamidi nkati mumwe Klistu Yesu na kwalikulupililo tupwashalele kulivikila, kulivikila aku àvele Imumu.

Vagalata 3:22

Kanji Maandiko alo anditadya vinu uti vitawaligwe na lidambi pakulota kulivikila kwalakéla kwaindila yalikulupililo kumwe Klistu Yesu kukapatikanange na avalá vakulupíla.

Vaepeshu 1:19

na nyamani ukumene wadimongo dyakupunda uti kwetu wetu túnkulupidile. Dimongo adi dinkulinganana na shimadengo shakunanopa kwalyululilo lyake

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vaepeshu 2:5

ata ikava kenga wetu tuvele mukupela nkati mukupujungula, nae anditupa shingumi pamo namu Klistu; doni, mundyambwalegwa kwaumonyo.

Vapilipo 1:29

Mwaa kwenu mwenu kwaupande umwe Klistu, vandimupa i gweka yakunkulupila nae kanji yadavo yakumuvauvangila

Vakoloshu 2:12

pamuukile ndashikigwa namu nae muubatisho, wo wamuukile ndadyuka namu nae kwaindila yalikulupililo mushimadengo shadimongo shake Nnungu ándyuwidye pakati pavakupela.

II Vateshalonika 1:9

Vanavo vandauvauvanga ukumu yakubamalegwa kúkamalilika, kuvaapukanianga pamevo pamwe Umu na mulishangelo lyadimongo dyake

Vabalaniya 6:4

Mwenu, hayululika kwa avalá ve vapatíle lilangadyo, valingíle inudyo yakuwa, valiinjidyénge mu Imumu Wanashwe,

I Patulu 1:5

Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.