Vaepeshu 2:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Mundidangegwa pashanya vamyombe na vakulava, lijanga likumene lyashitunduvangilo kuva Klistu.

Vaepeshu 2:20 ပူးပေါင်းရင်းမြစ်များ

Mateu 16:18

Namomo ninkukwaulila doni, wako Patulu na nangu pashanya lijanga lyolyo ali, ndadenga liganisha lyangu na liganisha alyo milango vyakumoka havyulula kutema.

Mateu 21:42

Yesu kushidoni, “Da mwenu hamushamidye mmaandiko, “ ‘Vakudenga lijanga lyavaitile lyo, lindyuka ndava lijanga lyapalitununa. Átandile davo ni Umu, ni vyamakango kwetu wetu.’

I Vakolintu 12:28

Ivédoni, muliganisha Nnungu andivavika shitandi vamyombe, shambili vakulava, shantatu vamwalimu kwatika vatandédya vyamakango, vavénavo vyajo vyakuponia, vyakupwashela, vyakulangalalela na vyadinangodi dyakuvilingananga.

Vagalata 2:9

Nadoni vamanya umonyo wangupatile, Tiyagu, Kepashi namu Nshuwau, vo váshaaneka kuva mabodo, vandítuwanidya makono akulodya upamo namu wetu, yani nangu namu Balinaba. Vanavo vandíkubali wetu tuve kwavamidi, vanavo kwavayuda

Vaepeshu 3:5

shipii shávakavamanyiidye vanu vadimbula dinji kenga mwashuukile ndalilodyedya kwa Imumu ambi apa kwavamyombe vakwilimyanga na vakulava.

Vakoloshu 2:7

muvanavo dinyija na mùdangegwe nkati mwake, munanawangika mulikulupililo kenga mo mwavampundishididye na mùumbaligwidye kulambwalela.

I Patulu 2:6

Mwaa mumaandiko munkutangaleka, “Mwenu, ninkuvika lijanga ku Shiyau, lijanga lyapalitununa, lyakutandalegwa na lyamana; aijá ákulupila lyanavo, mwiko hatutala.”

Maono 21:14

Lishiti lyalingongo lyanjini awo, vadangile pashanya majanga kumi na mbili; namomo pashanya pakula lijanga, vandyándika lina limo pakati pamena a avalá vamyombe kumi na mbili vamwe Ngandolo.