Vaepeshu 2:2 - Ibibiliya mu Shimakonde Imbodi Yaambi na dimbande dya Imbodi Yakala

² Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

Vaepeshu 2:2 ပူးပေါင်းရင်းမြစ်များ

Mateu 11:19

Andida Mwana Wamunu alya na akumbila, mwenu muushidoni, ‘Nnole munu wakululuka na lilevi, njave vakukatisha-ukodi na vakutega.’ Kanji napane limanyilo lyake Nnungu linkulilodya kuva lyashaliya nkati muvitendo vyake.”

Mateu 13:22

Imbeju igwilidíle padimiva ni munu áigwilila lilove kanji mangaikangilo awakati au pamo na lung'unuku lwamali, avyo vindáshinya lilove kutwala nae mene kupa vyepo.

Mateu 13:38

na lishamba lyo, shilambo. Ailá imbeju yambone, avo ni vana vamuutawala, nashitani jo vanavake nkalau na

Malukushi 4:19

kanji mangaikangilo awakati au, lung'unuku lwamali na lwavinu vinji, avyo vindáinjila ndashinya lilove mpaka kutadya mene kupa vyepo.

Lukashi 16:8

Kutwala nang'olo aijá kuntumbyanga wankamudidye aijá waungave-shaliya mwaa waujanja wake. Bai amu ni momo, vanu vawakati au vankuvanavo ujanja washinamidyo shave kuvapunda vanu valilangadyo mushinamidyo shave.

Lukashi 22:31

Yesu kavili kushidoni, “Simoni, Simoni, ngwigwa. Shatwani andijugwa ampate mwenu pakulota ampete kenga ngano.

Nshuwau 12:31

Wakati wakuukumigwa shilambo ashi undiwika. Ambi apa, andavingigwa nkútawala washilambo ashi.

Nshuwau 13:2

Napane valya shakulya shalyulo, Ndamoni àvikile muntima umwe Yudashi mwanagwe Simoni Shikaliyote shabaa yakunnimya

Nshuwau 13:27

Nae akalye shibadu ashilá, Shatwani kumwinjilinneu. Yesu kutwala kumwaulila, “Shaulota kutenda sho, tenda shipajelo.”

Nshuwau 14:30

Hangutangola shinu kavili vinu vyoe namu mwenu mwaa nkútawala washilambo ashi ankwida. Nae kwangu nangu hatenda shinu

Nshuwau 15:19

Leka mùvele mmashilambo, shilambo shikaninnagwaledya pakuva mmake. Doni, pakuva mwenu po hamunava shinu mmashilambo kanji nangu mushilambo amu nintandola, ni ashi shitádya shilambo shimmangedye.

Nshuwau 16:11

kwaukumu mwaa nkútawala washilambo ashi andyukumigwa.

Nshuwau 7:7

Shilambo, mwenu mwiko hashimmangedya ila nangu shinkunguvangedya mwaa nangu ninkumya ushuda nguvalanganga kenga vitendo vyake, vindinyata.

Nshuwau 8:23

Yesu, “Mwenu po mmashilambo ashi, nangu apa kwetu kuwa. Mwenu mmashilambo sho shapai ashi, nangu hangunava shinu washilambo ashi.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Vitendo 19:35

Napanelo nshadolo wapalikaja andívamaladya vakupujungula vo kutwala kushidoni, “Mmaepeshu, wakwashi apa átikinenge kenga likaja ali ni lishúnga ing'ande yannungu nangangonda Alitimishi na waing'ope yake igwíle kuwa?

Vitendo 5:3

Patulu kutwala kumudya, “Ananiya, mwaa shani uninneka Shatwani akuumbala muntima ata mpaka kunshang'apila Imumu Wanashwe na kutitikulila njuluku unji walishamba lyaushumididye?

Valoma 12:2

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

I Vakolintu 5:10

Avi hangunavamba shinu vakulavalava vashilambo ashi na ata vashojo, vakutindinganianga kwali valipúdya kwavakushang'apa. Leka ive davo mwenu ikanimmaikila mume mushilambo amu.

I Vakolintu 6:11

Pakati penu po vanji vavele yadavo kanji muukilé ndaukangigwa, muukilé ndatandegwa mmakwilimyanga, muukilé ndavalangiligwa ishaliya mulina limwe Umu Yesu Klistu na mu Imumu umwe Nnungu wetu.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Vagalata 1:4

ályumidye jo mwene kwamwaa wamadambi etu pakulota atuposhe muwakati au wakunyata kwodananavo malotelo atatagwetu Nnungu.

Vaepeshu 1:21

kwikala pashanya uti pautawala, madalaka, dimongo, sheo na pashanya pamena uti avatambulanga, i gweka muwakati au kanji na yadavo muwakati wída.

Vaepeshu 2:11

Napavedoni mwenu kumbukila doni, mwemwe mwe muvéle mmamidi kwamili, múshishamegwa mmashungu kwa avalá vashamégwa vakukumuligwa, shinu shavatenda mumili na makono,

Vaepeshu 2:13

Kanji napane nkati mumwe Klistu Yesu, mwenu mwe muvéle kushu munditadya muvé pepi kwaindila yamyadi vimwe Klistu.

Vaepeshu 2:3

Pakati pave nawetu momo tushindalilangalalela kwamalotelo ashimunumunu, tutandedya malotelo amili na anding'anong'ano. Nadoni kenga vanji uti, nawetu momo kwashimunumunu tundípagwa mushitundi shake Nnungu.

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

Vaepeshu 4:22

kwaing'ano yamavalelo akala, mupundishigwidyé kumula munu wenu wakala, munu jo abamalegwa na malotelo akushang'apa,

Vaepeshu 5:6

Hamunanneke munu anduwanga kwamalove ashing'alang'ala; kwamwaa wavinu vyovyo vyo, vinkutadya shitundi shake Nnungu shivawikile avalá vákaigwilila.

Vaepeshu 5:8

Mwenu kala muvele shii, napane ambi apa ni lilangadyo nkati mumwe Umu bai nama kenga mmana mmalilangadyo,

Vaepeshu 6:12

mwaa ing'ondo yetu hainava shinu yakupingana na munu kanji ni kupinga dimongo dyautawala, kupinga dimongo dyamadalaka na kupinga dimongo dyamushilambo uti mushii ashi shawakati au, kupinga dimongo dyadimumu dyaukalau mumautu akuwa.

Vakoloshu 1:21

Kushi mwenu mwe mwapukanénge na mwe muvéle mmamongo mumakumbukililo enu kwamwaa wavitendo vyaukalau,

II Timoti 4:10

Mwaa Demashi kwakunagwaledya wakati au, aningwambukanga kutwala kuka ku Teshalonika. Keleshete kuka ku Galata, Titu kuka ku Dalamashiya.

Tiyagu 1:27

Idini yaungave-ushapu na yaungave-udagwa pamevo pake Nnungu Atata ni ai: kuvalola vananshiva na vanamwili nkati mumashida avo, namomo kulishunga gwegwe umwene pakulota shilambo hashinakupake lilemba.

Tiyagu 1:7

Munu ajo hanakumbukile kenga andapata shinu shoeshoe kumwe Umu

Tiyagu 4:4

Mmakulavalava! Da hamunamanya shinu kenga kupangana imbodi na shilambo ni umongo namu Nnungu? Álota ave mbwadimunu washilambo, nae ankulitenda kuva mmongo wake Nnungu.

I Patulu 1:14

Kenga mmana mmakwigwilila, hamunaname mumalotelo lolo awakati aulá waungamanya.

I Patulu 4:3

mwaa wakati upitíle unditosha wakutandedya mwenu vinu vivannagwéla vamidi. Muwakati awo mwenu mushindanama shinamidyo shakunyata kupunda apo, mumalotelo ashimunumunu, kwambalwa, vikukulu vyaupuju na vyakwambalwanga pamo na kulipudya kwakunyatilika kwavannungu.

II Patulu 2:14

Mevo ave andyumbala kulavalava ákadoba kutenda lidambi. Vanavo vankuvashomba avalá vákananwepe muungumi. Mitima vyave vindilipanganianga kwalung'unuku. Vovo vo ni vana vakulanigwa.

I Nshuwau 3:10

Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.

I Nshuwau 3:8

Aijá ánatenda shimadambi umwe Ndamoni mwaa Ndamoni ni wakutega ngwengwe tangu kunantandi. Ni asho shaidilidile Mwanagwe Nnungu pakulota abamalangile-uti vitendo vimwe Ndamoni.

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.

I Nshuwau 5:4

Kula ávalakwadidye kwaindila ya Nnungu anatema shilambo na aku ni kutema kwantamile shilambo, likulupililo lyetu.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 13:14

Kwamwaa wavimanyikilo vyavampéle atende pamevo pamwe lidimu ntandi, nae andívaduwanga vanáma mushilambo. Andívalamulila vakandyange lishinamu kwakuntumbyanga lidimu aijá wavankang'éne lyambila kutwala kunama kavili.

Maono 13:8

Vanu uti vanáma mushilambo shapai, vandalipudya kwake nae, vanavo ni avalá vákaandikigwe mena ave mulibuku lyashingumi lya Ngandolo ábyaigwe tangu kala pavakandyenge shilambo.

Maono 16:17

Njelo wasaba andímimina ndamu kuniania kutwala kwigwinika lidi likumene líshaalakela pashiteng'u mwing'ande ya Nnungu liishidoni, “Tayali indiwikila popo!”

Maono 20:2

Nae anínkamula lijoka, aijá nyoka wakala àvele Ndamoni kwali Shatwani kutwala kumunga vyaka alupu imo;