Vaepeshu 2:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ doni, kwaindila yake nae wetu tuvavili tunkuulula kumuukila Atata nkati mu Imumu jumo.

Vaepeshu 2:18 ပူးပေါင်းရင်းမြစ်များ

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

Nshuwau 10:7

Napavedoni Yesu andítangola kavili aashidoni, “Ninkumwaulila mwiu mwiu doni, nangu ni Nnango Wavangandolo.

Nshuwau 10:9

Nangu ni nnango; munu woewoe akainjilila kwangu, andaambwalegwa. Nae andainjila, andauma na andakodya udani wambone.

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Valoma 5:2

Kwaindila yake nae namomo wetu tundipata litala lyakwinjila kwalikulupililo muumonyo au watupagwa na tunkulitamangila mulilindilililo lyalishangelo lyake Nnungu.

Valoma 8:15

Doni, mwenu hamupatile imumu yautumwa muka kavili mukujopa kanji munimpata Imumu wamwanamunu; nkati mwake wetu tunkulila, “Aba, Atata.”

I Vakolintu 12:13

Mwaa mu Imumu jumo tundibatishwa nkati mumili umo, vayuda kwali vamidi, vatumwa kwali vamuunaiti, na uti wetu tundyuka nankumbila Imumu jumo.

I Vakolintu 8:6

kanji kwetu wetu ankupagwa Nnungu jumo, Tatamunu kwavyalakela vinu uti na kwaupande wake tunkunama, na Umu jumo Yesu Klistu kwavipagwa vinu uti kwaindila yake na kwaindila yake nae, wetu tunkunama.

Vagalata 4:6

Pakuva mwenu po mmana, Nnungu anintumidya Imumu wamwanagwe mmitima mmyenu; ni jojo áshema, “Aba! Atata!”

Vaepeshu 3:12

Nkati mwake nae, wetu tunkuvanavo ntima shii na litala lyakumuukila Nnungu tulyamini kwalikulupililo lyatuvenavo kwake nae.

Vaepeshu 3:14

Ni ashi shitádya nguguguvale pamevo pa Tatamunu,

Vaepeshu 4:4

Unkupagwa mili umo na Imumu jumo kenga mo mwavanshamalele mwenu kwalilindilililo limo lyakushamegwa kwenu,

Vaepeshu 6:18

Kwakula inamuna yakushwali na kujugwa, shwali kula wakati mu Imumu. Kwadoni, ava mevo mulipililila uti mushwali muvajugwila vakwilimyanga uti

Vakoloshu 1:12

munnambwalela na lipuwilo Tatamunu átadidye mupagwe mukumajananga maleko avakwilimyanga mulilangadyo.

Vabalaniya 7:19

mwaa lilamulo litandi halyulwile kutandedya shinu shoeshoe kuwikila popo kanji kwaupande unji, vandiingula lilindilililo lyamana na kwaindila yalyanavo tunkuulula kummandika Nnungu.

Tiyagu 3:9

Na lwo lulimi alu tunkuntumbyangidya Umu Atata, namomo na lwo lulimi tunkuvataa dilana vanu vakandyangígwe kwaing'ope yake jo mwene Nnungu.

I Patulu 1:17

Pakuva mwenu mundashwali muntambula Atata aijá áukumu kwabila kupambula kwakwodananavo vitendo vyakula munu, avanavo shinamidyo uti shakunjopa nae muwakati au wamuvele kenga mmakwaloka.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

Yudashi 1:20

Kanji napane mwenu mmakunagwaleka, mulidenga nkati mulikulupililo lyenu lyakwilimyanga-uti, mushwalya nkati mu Imumu Wanashwe,