Vaepeshu 1:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Wowo wo andimiminila kwetu wetu nkati mulimanyilo na umanyimanyi

Vaepeshu 1:8 ပူးပေါင်းရင်းမြစ်များ

Mateu 11:19

Andida Mwana Wamunu alya na akumbila, mwenu muushidoni, ‘Nnole munu wakululuka na lilevi, njave vakukatisha-ukodi na vakutega.’ Kanji napane limanyilo lyake Nnungu linkulilodya kuva lyashaliya nkati muvitendo vyake.”

Valoma 11:33

Aa, umbala ukumene wamali, limanyilo na umanyimanyi wake Nnungu! Kukamadyanga dashi kukodyakodya wamushi wake na kukamadyanga dashi kumanya dindila dyake!

Valoma 5:15

Kanji napanelo hakunapagwa shinu kulinganianga inudyo na kupujungula mwaa ikava kenga vanu voe vandipela kwaindila yakupujungula kwamunu jumo, kupunda namene umonyo wake Nnungu na inudyo yo kwaindila yaumonyo wamunu jumo Yesu Klistu, indikumukanga kwavanu voe.

I Vakolintu 2:7

Leka apo, tundátangola limanyilo lyake Nnungu lìpiike mushipii, lyo lyapanganienge wakati ukanava kwalishangelo lyetu wetu.

Vaepeshu 1:11

Nkati mwake momo wetu tunditandegwa kuva maleko, wewe tùpangiligwe kala kwodananavo ishabaa yake aijá átenda vinu uti kwauwamushi wamalotelo ake

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 1:9

atadya tumanye shipii shamalotelo ake kwodananavo mwainagwaladile, mo mwalatalele mwene atende nkati mumwe Klistu

Vaepeshu 3:10

pakulota kwaindila yaliganisha, umbala walimanyilo lyake Nnungu lyuke likamanyike kwavananangalaledi na vakutawala mumautu akuwa

Vakoloshu 2:3

Nkati mwake nae mundilikondya vidimbi uti vyalimanyilo na umanyimanyi.

Yudashi 1:25

kwake Nnungu ávele jumo, Mwamboli wetu, lipagwe lishangelo, ukumene, lyululilo na madalaka kwaindila imwe Yesu Klistu Umu wetu, kutunduvangila wakati uti, ambi apa na mpaka vyaka uti! Ame.

Maono 5:12

vaimba pashanya po vaashidoni, “Ávaikidile kupata dimongo na mali, limanyilo na lyululilo, ishima, lishangelo na litumbyangilidyo ni Ngandolo ábyaigwe.”