Vaepeshu 1:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ àtupangidile kala mwakulota kututenda tuvanamunu vake jo mwene kwaindila imwe Yesu Klistu kwodana na mo mwainagwaladile jo mwene mumalotelo ake

Vaepeshu 1:5 ပူးပေါင်းရင်းမြစ်များ

Mateu 1:25

Napanelo haléle na ndyagwe mpaka pammaleke mwana kutwala nae mwana jo kumupa lina lya Yesu.

Mateu 11:26

Elo Atata, mwaa amu ni momo mwaulatalele umwene.

Lukashi 10:21

Muwakati wowo, Yesu andípuwanga namene kwaindila ya Imumu Wanashwe kutwala kushidoni, “Ninkukulambwalela Atata, Umu wakuwa na pai úpiidye vinu kwavanu vakumanya na vamang'amung'amu kutwala kuvalodya vanu vila. Ninkukulambwalela mwaa wako Atata utandalelé mwaulotalele.

Lukashi 11:32

Vanenive yadavo paukumu vandatakatuka pakati pavanu vaimbula ai kutwala kuvaukumu mwaa pavaigwite kuvalanganga kwantenga kumwe Janashi vanavo vandíjugulanga. Mwenu, ápagwite apa aju ni nang'olo namene kumpunda Janashi.

Lukashi 12:32

“Hamunajope mwenu mmakwoda vangu mwaa Tatagwetu ininnagwela kumupa utawala wake.

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Nshuwau 11:52

na ata i gweka venentete avo, namomo kwamwaa wavana va Nnungu vamwadilikanénge pakulota vanavo, nae avaunganiange vave shipinga shimo.

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Vitendo 13:48

Bai vamidi vakaigwe malove alo, vashindapuwanga namene na vashindaing'a lishangelo lilove lyake Umu; kutwala avalá vatandalégwe vapate shingumi shíkamalilika, vandíkulupila.

Valoma 8:23

i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.

I Vakolintu 1:1

Paulu áshamagwidye kwalilotelo lyake Nnungu kuva myombe umwe Yesu Klistu pamo namu nung'unumunu Shoshiteni.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

II Vakolintu 6:18

Nangu ndava tatamunu kwenu na mwenu mundava mmana valume na vakongwe kwangu nangu, atangola Umu Wadimongo-uti.”

Vagalata 3:26

Mwaa mwenu uti mmanavake Nnungu kwaindila yalikulupililo nkati mumwe Klistu Yesu

Vaepeshu 1:11

Nkati mwake momo wetu tunditandegwa kuva maleko, wewe tùpangiligwe kala kwodananavo ishabaa yake aijá átenda vinu uti kwauwamushi wamalotelo ake

Vaepeshu 1:9

atadya tumanye shipii shamalotelo ake kwodananavo mwainagwaladile, mo mwalatalele mwene atende nkati mumwe Klistu

Vapilipo 2:13

mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

Vakoloshu 1:19

mwaa Nnungu ininnagwela kuumbaligwa kwake uti kuname nkati mwake nae

II Vateshalonika 1:11

Kwaing'ano ai tunkunshwalidya mwenu ngwengwe kwambangidya Nnungu wetu antadye mwenu muve mmakuvaikila mukushema kwake na muwishe popo kwadimongo dyake malotelo uti auwambone na kula shimadengo shalikulupililo

Vabalaniya 2:4

akuno Nnungu aumya ushuda kwaindila yavimanyikilo, vyakutikinikanga na vyamakango vyoe pamo na vyajo vya Imumu Wanashwe vyajavile kulingananavo malotelo ake.

I Nshuwau 3:1

Mwenu, da linagwaledyo shani lyaladidye Atata kwetu wetu ata mpaka wetu kuka ndashamegwa vana va Nnungu, namwiu nimomo mwatuvalalele. Nadoni shilambo hashitumanyite mwaa nae havammanyite momo.

Maono 21:7

Nkútema andapata maleko avinu avi, nangu ndava Nnungu wake na nae kuva mwanangu.