Vaepeshu 1:23 - Ibibiliya mu Shimakonde Imbodi Yaambi na dimbande dya Imbodi Yakala

²³ liganisha lyo ùvele wo mili wake; kuumbala kwa aijá áumbadya uti kwauti.

Vaepeshu 1:23 ပူးပေါင်းရင်းမြစ်များ

Nshuwau 1:16

Doni, mukuumbaligwa kwake, wetu uti tundipata umonyo kuleka umonyo

Valoma 13:5

Napavedoni tulivike mwina i gweka kwamwaa washitundi kanji namomo kwamwaa wamakumbukililo amuntima.

I Vakolintu 12:6

Kunkupagwa kuvilingananga kwamakaledi kanji Nnungu jojo átandedya uti muuti.

I Vakolintu 15:28

Napanelo pavilota kuvikigwa uti kumaulu kwake, bai jo mwene Mwana andavikigwa kumaulu kumwe aijá ávikile uti kwake nae kwambangidya Nnungu ave uti muuti.

Vaepeshu 2:16

na pakulota nae avaunganiange vavili ava mumili umo kwa Nnungu kwaindila yanshalaba amalidya umongo.

Vaepeshu 3:10

pakulota kwaindila yaliganisha, umbala walimanyilo lyake Nnungu lyuke likamanyike kwavananangalaledi na vakutawala mumautu akuwa

Vaepeshu 3:19

mumanye linagwaledyo limwe Klistu lipúnda limanyilo kwambangidya mwenu muumbaligwe na umbala wake Nnungu.

Vaepeshu 4:10

Aijá áshulwike ni jojo ákwadile pashanya pakuwa-uti kwambangidya aumbadye vinu uti.

Vaepeshu 4:12

pakulota ivé dashi, vavapanganiange vakwilimyanga kwashimadengo shautumika kwakudenga mili umwe Klistu

Vaepeshu 4:13

mpaka uti tuwikile muupamo walikulupililo na walimanyilo lya Mwana wa Nnungu; doni, mpaka tukave tuvanu tuvakukamala túwikidile shipimo shashilinga shaumbala umwe Klistu

Vaepeshu 4:4

Unkupagwa mili umo na Imumu jumo kenga mo mwavanshamalele mwenu kwalilindilililo limo lyakushamegwa kwenu,

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

Vakoloshu 2:19

Munu kenga aju hanalinamatila shinu mmuti, muti wowo utádya mili uti paupwashalalegwa na paungananga mumalundu na mumipa, ukulumuke kwalikulumukililo lya Nnungu.

Vakoloshu 3:11

Apa hapali ngalegu kwali muyuda, wakukumuligwa likumbi kwali ákakumuligwe, mmidi kwali mushikita, ntumwa kwali wamuunaiti kanji Klistu ni uti na nkati muuti.

Vakoloshu 3:15

Doni, amani imwe Klistu ave nkwángangola mmitima myenu mwaa kwaamani mwenu mundishamegwa kwamili umo na muve mmakulambwalela.