Vaepeshu 1:22 - Ibibiliya mu Shimakonde Imbodi Yaambi na dimbande dya Imbodi Yakala

²² Nae andivika vinu uti mmadodo mwake kutwala kunjaula kuva kenga nangangonda wavinu uti kwaliganisha,

Vaepeshu 1:22 ပူးပေါင်းရင်းမြစ်များ

Mateu 16:18

Namomo ninkukwaulila doni, wako Patulu na nangu pashanya lijanga lyolyo ali, ndadenga liganisha lyangu na liganisha alyo milango vyakumoka havyulula kutema.

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

I Vakolintu 11:3

Napane ninkulota mumanye kenga muti wakula nnume ni Klistu, muti wankongwe ni nnume na muti umwe Klistu ni Nnungu.

Vaepeshu 3:21

kwake nae lipagwe lishangelo nkati muliganisha na nkati mumwe Klistu Yesu kwadimbula uti ngwengwe ngwengwe! Ame.

Vaepeshu 5:23

mwaa ntwamunu ni muti wandyamunu kenga mo mwavalalele Klistu muti waliganisha, jo mwene àvele mwamboli wamili.

Vakoloshu 1:18

Nae ni muti wamili alilá liganisha, shitunduvangilo na ntandi kuvalekwa pakati pavakupela pakulota muvinu uti akamulile lyutu litandi

Vakoloshu 1:8

na ni jojo átuvalangidile linagwaledyo lyenu nkati mu Imumu.

Vakoloshu 2:10

Namwenu momo mundyumbaligwa nkati mwake aijá muti wautawala na madalaka uti.

Vakoloshu 2:19

Munu kenga aju hanalinamatila shinu mmuti, muti wowo utádya mili uti paupwashalalegwa na paungananga mumalundu na mumipa, ukulumuke kwalikulumukililo lya Nnungu.

I Timoti 3:15

ila nikakakova umanye mwashi mwakunamila munu nng'ande mwa Nnungu lìvele liganisha lya Nnungu mumi, libodo na shitunduvangilo shaumwiu.

Vabalaniya 2:8

uti undivika mwina madodo ake.” Mwenu, pashivika uti mwina mwake hashipali shalakile panda pakulota hashinatawaligwe namu nae. Kanji napane mpaka ambi, hatunona shinu vinu avyo vipagwa mwina mwake nae