Vaepeshu 1:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ alangadya mitima vyenu pakulota mumanye nyamani lilindilililo lyakushema kwake, nyamani kuumbaligwa kwalishangelo lyamaleko ake kwavakwilimyanga

Vaepeshu 1:18 ပူးပေါင်းရင်းမြစ်များ

Mateu 13:15

Mitima vyavenentete ava vindinanopa, kwigwa vankwigwa kanji matu ave andidivana, na mevo ave andyulugwala. Leka ikavé davo vakandyona na mevo ave, vakandigwa na matu ave, kwanalela mmitima myave, kutwala kushiliuka na nangu ndikandivaponia.’

Malukushi 10:17

Napanelo Yesu pashuukanavo kavili mushu na shimwanda shake, munu jumo aníntukutila kuka ndaguguvala mushu mwake ndaashidoni, “Mwalimu wambone, ngutandelé mwashi pakulota ngupate shingumi shíkamalilika?”

Lukashi 24:45

Bai andívaungula myuti pakulota vaigwe shana Maandiko

Vitendo 16:14

Pakati pavakongwe váshitwigwilila andípagwa nkongwe jumo áshilipudya kwa Nnungu walina Lidiya áshishumidyanga dinguvo dyakupapeka dyailangi yanshambalau na wakwalakela kulikaja lya Tiyatila. Umu napane andímuungula ntima pakulota kwigwa shana vyashitangola Paulu.

Vitendo 26:18

kwambangidya dashi, uvaungule mevo vashiliuke kushii vauke kulilangadyo, vaume mumadalaka amwe Shatwani vauke kumwe Nnungu pakulota vapate kulivalivigwa kwamadambi na vapate lyutu mushipinga sha avalá vailimyangígwa kwaindila yakungukulupila nangu.’

Valoma 11:29

Mwaa dinudyo na kushema kumwe Nnungu, hakunaputangigwa.

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

Vagalata 5:5

Mwaa kwa Imumu na kwaindila yalikulupililo wetu tunkulindila na mweshe lilindilililo lyakupata ishaliya.

Vaepeshu 1:11

Nkati mwake momo wetu tunditandegwa kuva maleko, wewe tùpangiligwe kala kwodananavo ishabaa yake aijá átenda vinu uti kwauwamushi wamalotelo ake

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 2:12

inimmaikila mukumbukile doni, muwakati awo mwenu hamuvénavo Klistu, hamushivalangiligwa muuwenentete washiishilaeli, muvele múkamanyika nkati mudimbodi dyakulivikila; mmanu múkave lilindilililo na múkave Nnungu mushilambo amu.

Vaepeshu 3:16

pakulota kwautajili walishangelo lyake, antadye munanawangike na dimongo kwaindila yaimumu yake nkati muumunu wenu,

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Vaepeshu 4:4

Unkupagwa mili umo na Imumu jumo kenga mo mwavanshamalele mwenu kwalilindilililo limo lyakushamegwa kwenu,

Vaepeshu 5:8

Mwenu kala muvele shii, napane ambi apa ni lilangadyo nkati mumwe Umu bai nama kenga mmana mmalilangadyo,

Vapilipo 3:14

Nguka mushu ngulikanyalidya ndikawikile shabaa yainudyo yakushema kwake Nnungu kwalakéla kuwa nkati mumwe Klistu Yesu.

Vakoloshu 1:12

munnambwalela na lipuwilo Tatamunu átadidye mupagwe mukumajananga maleko avakwilimyanga mulilangadyo.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 1:5

kwamwaa walilindilililo lyavankandyadidye kuwa, lilindilililo lyolyo lyamwigwite kunantandi kwaindila yalilove lyaumwiu, wo ntenga wambone

Vakoloshu 2:2

pakulota doni, mitima vyave vinanawangike vàungene mulinagwaledyo kwambangidya vapate mali uti auwakika uti aalakéla mulimanyilo kwambangidya dashi, vamanye shipii shimwe Nnungu, jo Klistu aju.

Vakoloshu 3:15

Doni, amani imwe Klistu ave nkwángangola mmitima myenu mwaa kwaamani mwenu mundishamegwa kwamili umo na muve mmakulambwalela.

I Vateshalonika 2:12

tunnaililila, tumupa ntima shii na tunkanyalidya pakulota muname shinamidyo shimmaikíla Nnungu aijá ánshamile muutawala wake jo mwene na mulishangelo lyake.

I Vateshalonika 5:8

Wetu kanji túvele vamui tulipange tùgwete shikopa shalikulupililo na linagwaledyo na kenga shijulu shashitali, lilindilililo lyakwambolegwa.

II Vateshalonika 1:11

Kwaing'ano ai tunkunshwalidya mwenu ngwengwe kwambangidya Nnungu wetu antadye mwenu muve mmakuvaikila mukushema kwake na muwishe popo kwadimongo dyake malotelo uti auwambone na kula shimadengo shalikulupililo

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

I Timoti 6:12

Tenda ing'ondo yambone yalikulupililo. Kamulila shingumi shíkamalilika ashilá shavakushamalele sho shaulyawile pamevo pamashuda oe.

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Titu 3:7

kwambangidya dashi, wetu tùvalangiligwe ishaliya kwaumonyo wake, tuve tuvakupata-maleko kwodananavo lilindilililo lyashingumi shíkamalilika.

Vabalaniya 10:32

Kanji napane kumbukila maduva matandi ling'oto lyakupata lilangadyo, mwenu mundilipililila ing'ondo ing'umene kwamauvilo,

Vabalaniya 6:4

Mwenu, hayululika kwa avalá ve vapatíle lilangadyo, valingíle inudyo yakuwa, valiinjidyénge mu Imumu Wanashwe,

I Patulu 1:3

Atumbyangilike Nnungu na Tatamunu umwe Umu wetu Yesu Klistu! Kwaindila yakudyuka kumwe Yesu Klistu pakati pavakupela na kulingananavo shididi shake shikumene, nae andituvaleka kavili waambi pakulota tupate lilindilililo lingumi

I Patulu 3:9

Hamunalipilile wakunyata kwawakunyata, hamunalipilile kutukana kwakutukana kanji paikavele davo po, vaalaliye mwaa ni ashi shavanshamalele mwenu kwambangidya mupate kwalaligwa.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.