Vaepeshu 1:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Paulu, myombe umwe Klistu Yesu kwalilotelo lyake Nnungu kwavakwilimyanga vapágwa ako ku Epeshu, vo vakukulupilika nkati mumwe Klistu Yesu.

Vaepeshu 1:1 ပူးပေါင်းရင်းမြစ်များ

Lukashi 16:10

Ánakulupilika muvinu vidikidiki anákulupilika muvinu vikumene; waungave-ishaliya muvinu vidikidiki hanava waishaliya muvinu vikumene.

Vitendo 16:15

Ling'oto lyankongwe ajo kupata ubatisho pamo na vapaing'ande pake, andítujugwangila aashidoni, “Ikava kenga mwenu munkungwona kenga nangu ninkúkulupila wake Umu, tuke mukaikale kwing'ande kwangu.” Bai nae andítuulula kutuukanavo kwing'ande kwake.

Vitendo 18:19

Pavawikile pa Epeshu, nae andívaleka kutwala kuka ndainjila mushitala shakulipudidya ndataukananganavo vayuda.

Vitendo 18:21

kanji andívalaila aashidoni, “Nnungu akalota ndamwidila.” Kutwala apo, andíkwela mwingalava kuma pa Epeshu.

Vitendo 9:13

Ananiya do, “Umu, nangu munu aju ndivaigwanga vanu voe vammalanganga ukalau wake wavatandile nae vakwilimyanga vako ku Yelusalemu.

Valoma 1:1

Paulu, ntumwa umwe Klistu Yesu áshamagwidye ave myombe na áapuligwidye kwantenga wambone wake Nnungu,

Valoma 1:7

Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Valoma 8:1

Napavedoni ambi apa hakupali kuukumigwa kwa avalá vavéle nkati mumwe Klistu Yesu

I Vakolintu 4:12

tunkukola shimadengo shakupwateka kwamakono etu tuvene. Pavatutukana tunkuvaalaliya, pavatupapata tunkulipililila,

I Vakolintu 4:17

Kwaing'ano ai nintumidya kwenu Timoti mwanangu wakunagwaleka na wakukulupilika nkati mumwe Umu; nae anankumbuwanga mwangunamila nkati mumwe Klistu Yesu kwodananavo amulá mwangupundishidya mumautu uti kwakula liganisha.

II Vakolintu 1:1

Paulu, myombe umwe Klistu Yesu kwalilotelo lyake Nnungu namu nung'unumunu Timoti kwaliganisha lipágwa ako ku Kolintu pamo na vakwilimyanga uti vapágwa disemu uti dya ku Akaya.

Vagalata 1:1

Nangu Paulu, myombe kanji níkaalakadile kwavanu na ata i kwaindila yavanu ila kwaindila imwe Yesu Klistu pamo na Nnungu Atata ándyuwidye Yesu pakati pavakupela,

Vagalata 3:26

Mwaa mwenu uti mmanavake Nnungu kwaindila yalikulupililo nkati mumwe Klistu Yesu

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Vagalata 3:9

Nadoni uti avalá vakulupíla, vandaalaligwa pamo namu aijá nkúkulupila Abulaamu.

Vaepeshu 1:15

Napavedoni tangu pangwigwite itangaleka pakati penu yalikulupililo kumwe Umu Yesu na yalinagwaledyo kwavakwilimyanga uti,

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vaepeshu 2:13

Kanji napane nkati mumwe Klistu Yesu, mwenu mwe muvéle kushu munditadya muvé pepi kwaindila yamyadi vimwe Klistu.

Vaepeshu 2:6

Anditudyuwa namu nae na anditutadya namu nae twikale mumautu akuwa nkati mumwe Klistu Yesu

Vaepeshu 6:21

Napanelo Tikiku nung'unumunu wakunagwaleka na walikulupilika, ntumika umwe Umu, anammanyiya uti pakulota mwenu momo mumanye vinu vingwámba nangu na nyamani shangutenda.

Vakoloshu 1:2

kwavakwilimyanga na kwavakukulupilika vanung'unumunu nkati mumwe Klistu vápagwa ku Koloshu. Umonyo upagwe kwenu mwenu na amani vyakwalakela kumwe Nnungu Tatagwetu.

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.