Vabalaniya 9:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Napane Klistu paumilidile kenga nkúlangalalela-shadaka nkumene wavinu vyambone vipagwíte ambi apa, nae andipita isemu itandi yamwiyema ing'umene na yakulinganana ipúnda ailá inji yákakandyenge munu, yani íkave yashilambo ashi,

Vabalaniya 9:11 ပူးပေါင်းရင်းမြစ်များ

Mateu 11:3

vakamudye doni, “Da wako ni aijá úshilota kwida kwali tunnindile junji?”

Mateu 2:6

“ ‘Wako Beteleemu úvele mushilambo sha Yuda, mwiko haunava shinu undikidiki pakati pavananangalaledi vavayuda mwaa kwako wako andaumililila nanangalaledi álota kuvashunga venentete vangu vanaishilaeli.’ ”

Malukushi 14:58

“Wetu tundimwigwa munu aju aashidoni, ‘Nangu ndabamola ing'ande ai ya Nnungu yavadangile na makono kutwala nangu kudenga inji kwamaduva matatu kanji i namakono.’ ”

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 4:25

Nkongwe kushidoni, “Nangu ndimanya kenga Masiya ankwida, aijá wavanshema Klistu. Pawika andatuvalangangila vinu uti.”

Vitendo 7:48

Kanji napane, Nnungu Wapashanya-uti hanaikala muding'ande dyavadangile vanu kenga mwatangaladile nkúlava,

II Vakolintu 4:18

akuno tulola vinu i vyanéka kanji víkaaneka. Mwaa vyanéka, vyakupita kanji víkaaneka ni víkamalilika.

II Vakolintu 5:1

Mwenu, tundimanya kenga ikabamalegwa yema yatunama mushilambo amu, tunkuvanavo ing'ande kumwe Nnungu, ing'ande yavakadangile na makono yangwengwe kuwa.

Vakoloshu 2:11

Namomo nkati mwake, mwenu mundikumuligwa likumbi i likumbi lyavakumula vanu kanji lyakulyusha mili washimunumunu, lyo lyakumula Klistu

Vabalaniya 10:1

Mwenu, lilamulo linkwidanavo shimbedi vila shavinu vyambone vilóta kwida i umwiu wavinu vyene. Nadoni lyanavo halyulula mwiko kwaindila yoyo yavyadaka vyujila-ujíla mwaka kwamwaka kutadya kuvawisha popo avalá vammandíka.

Vabalaniya 12:27

Malove ala “Mwanda unji kavili” inkulilodya kenga vinu vindandangandegwa yani, vyumbígwe uti vindatimbikanga kwambangidya dashi, avilá víkandangandegwa vipagwe.

Vabalaniya 13:14

Mwaa mushilambo amu, hatuvenavo njini wamaduva oe kanji tunkulindila njini aulá ulóta kwida.

Vabalaniya 2:17

Kwamwaa au, inimmaikila nae atandegwe kuva wakulinganana na vanung'unumunu nkati mumavalelo pakulota ave nang'olo washididi na nkúlangalalela-shadaka nkumene wakukulupilika áigwania namu Nnungu kwambangidya atandedye kudimanga shitundi kwamwaa washimadambi shavenentete.

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.

Vabalaniya 7:1

Mwenu, Malikishadeki aju avele umu wa ku Shalemu na jojo jo, avele nkúlangalalela-shadaka wake Nnungu Wapashanya-uti, nae andíkadyania namu Abulaamu, Abulaamu auja kukuvatema vaumu nae kutwala kumwalaliya.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

II Nshuwau 1:7

Mwaa vakuduwanga voe vandyumilila mushilambo amu na vovo vo, havanammalanganga shinu Yesu Klistu kwida mushimunu. Amu ni mwavalalele nkúduwanga na mmongo wake Klistu.