Vabalaniya 6:2 - Ibibiliya mu Shimakonde Imbodi Yaambi na dimbande dya Imbodi Yakala

² mapundisho aubatisho, akuvavikila vanu makono, akudyuka kwavakupela na aukumu íkamalilika.

Vabalaniya 6:2 ပူးပေါင်းရင်းမြစ်များ

Mateu 28:19

Napavedoni wena mukavatadye vanu vave vakwoda vangu muvenentete uti muvabatisha palina lya Tata, lya Mwana na lya Imumu Wanashwe

Mateu 3:14

Nshuwau napane ankulingangila kunneya, “Nangu ni ngúvaikidile wako ungubatishe. Napanelo uma dashi wako kungwidila nangu?”

Malukushi 16:16

Aijá álota kukulupila na kubatishwa, andaambwalegwa kanji ákakulupila, andaukumigwa.

Malukushi 7:4

Pavanauja kumautu aumbala vakananavanga medi kwayadi yave, havanalya shinu. Namomo vankunanawanga diyadi dinji dyoe kenga mwakuukangila diwene, vitumba na vyombo vinji vyavitali.

Malukushi 7:8

Mwenu munkuleka lilamulo lya Nnungu munanawanga nyamani, yadi yavanu.”

Lukashi 11:38

Mpalishayo kutwala kushanga namene mwaa wakumwona Yesu pakanavanga medi pandamu paikéle.

Lukashi 12:50

Ninkuvanavo ubatisho unguvaikidíle ngubatishwe, napane kutumbula dashi vingushanona muntima ata mpaka utandeke.

Lukashi 14:14

undona undajaligwa mwaa vanavo havavenavo shakukuujidya vilava. Wako vandakulipa muliduva lyakudyuka vaishaliya.”

Lukashi 3:16

kutwala nae kuviigwiniya kushidoni, “Nangu ninkumwing'a mwenu ubatisho ngutumila medi kanji aijá áida kunyuma kwangu; nae avelé na dimongo kungupunda nangu wandikavaidile nangu kumuungulanga vilatu vyake. Jojo jo andamwing'a mwenu ubatisho wa Imumu Wanashwe pamo na moto.

Nshuwau 1:33

Nangu munu ajo haninammanye leka aijá ángutumile nivape vanu ubatisho mmedi akangwaulidile doni, ‘Munu waulota kumwona Imumu ashuluka kwida ndaikala namu nae, ajo ni jojo álota kuvapa vanu ubatisho mu Imumu Wanashwe.’

Nshuwau 5:29

kutwala kuma; avalá vatandadídye wambone mukudyuka kwashingumi, avalá vatandadídye vyakunyata mukudyuka kwaukumu.

Vitendo 10:47

“Da apali munu álota kuvaleya vanu ava havanabatishwe na medi ikava kenga navanavo vanimpata Imumu Wanashwe kenga mo mwatumpatidile wetu?”

Vitendo 13:3

Bai vanavo pavamalidile kunga na kushwali, vandívavikila makono kutwala kuvatumidya vauke.

Vitendo 16:15

Ling'oto lyankongwe ajo kupata ubatisho pamo na vapaing'ande pake, andítujugwangila aashidoni, “Ikava kenga mwenu munkungwona kenga nangu ninkúkulupila wake Umu, tuke mukaikale kwing'ande kwangu.” Bai nae andítuulula kutuukanavo kwing'ande kwake.

Vitendo 16:33

Mwisaa yoyo nae andívatwalinneu kuvaukanavo ndavaukanga vilonda na muwakati wowo andíbatishwa pamo na vanu vake uti.

Vitendo 17:18

Napanelo vakumanya vanji vaepikuli na vaestoiku vashindomba mwaa namu Paulu kutwala vanji kushidoni, “Munu álambukanga mwanambwe aju aamba nyamani?” Kutwala vanji kavili kushidoni, “Aju twona kenga avavalanganga vannungu vavilambo vinji.” Vandítangola davo mwaa Paulu ashimmalanganga Yesu na kuvalanganga kudyuka kwavakupela.

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Vitendo 23:6

Napanelo Paulu kwodamwaa andímanya kenga panguguvale awo vanji vavele mapalishayo, vanji kuva mashadukayo, andítangola pashanya po aashidoni, “Mmanung'unumunu, nangu ni mpalishayo mwana wamapalishayo. Apa ninkuukumigwa kwamwaa walilindilililo lyakudyuka kwavakupela.”

Vitendo 24:15

nguvanavo lilindilililo kwa Nnungu, lyo lyavavenavo vanavo lyakupagwa kudyuka kwavaishaliya na vaungave-ishaliya.

Vitendo 24:21

tukaleka ali lyangutangwele nangu pashanya po ngwìmidile mushu mwave nguushidoni, ‘Ni kwamwaa wakukulupila kenga kupali kudyuka kwavakupela kungutadya nelo nguukumigwe namu wako.’ ”

Vitendo 24:25

Kanji Paulu avalanganga ing'ano yaishaliya, yakulishunga, yaukumu ulóta kutandeka, Pilishi andíjopa namene na andímwaulila Paulu aashidoni, “Ambi unkuulula kuka! Mushu mo pangulota kuva na litala ndakushema,”

Vitendo 26:8

Mwaa shani mwenu munkwona kenga Nnungu kuvadyuwa vakupela ni shinu shíkaululika kukulupila?

Vitendo 4:2

akuno ivapwateka namene mmitima mwaa vanavo vashindapundisha vavalanganga doni, nkati mumwe Yesu kunkupagwa kudyuka kwavakupela.

Vitendo 6:6

Kutwala apo, imbumba indívalodya vanu avo kwavamyombe kutwala vamyombe kushwali na kuvavikila makono.

Valoma 2:16

muliduva lyaukumu Nnungu vipii vyavanu kwaindila imwe Klistu Yesu kwodananavo ntenga wambone wangu.

I Vakolintu 10:2

uti vanavo mulyundi na mwimanga vandíbatishwa nkati mumwe Musha,

I Vakolintu 12:13

Mwaa mu Imumu jumo tundibatishwa nkati mumili umo, vayuda kwali vamidi, vatumwa kwali vamuunaiti, na uti wetu tundyuka nankumbila Imumu jumo.

II Vakolintu 5:10

Mwaa wetu uti indituvaikila twimile palibengi lyaukumu lyake Klistu pakulota kula munu apate kulingana na shimadengo ashilá shatandile mumili, kwali shambone kwali shakunyata.

Vapilipo 3:21

Nae andabadilisha mili vyetu vyakudabadabanga kutadya vilinganane na mili wake walishangelo kwaindila yadimongo dintádya aulule kuvika vinu uti mwina mwake.

Vakoloshu 2:12

pamuukile ndashikigwa namu nae muubatisho, wo wamuukile ndadyuka namu nae kwaindila yalikulupililo mushimadengo shadimongo shake Nnungu ándyuwidye pakati pavakupela.

II Timoti 2:18

Vanavo vandyashalanga muumwiu vaashidoni, kudyuka pakati pavakupela kunditandeka tayali nadoni vovo vo, vankutindinganianga likulupililo lyavanji.

Vabalaniya 11:35

Vakongwe vanji vandívaujidya vakupela vave kwaindila yakudyuka. Vanji vandívauvauvyanga kanji vandíta kuunguligwa pakulota vapate kudyuka shii.

Vabalaniya 9:10

vyovyo vyo, vishamba vyakulya, vyakukumbila na mwakunavangila medi; malailililo ala mwakushungila mili andipagwa mpaka muwakati waupangaji waambi.

II Patulu 3:7

Kuwa na pai vyo vipagwíte ambi apa, vyanavo vindikondyegwa kwaindila yoyo yalilove; vindikondyegwa pakulota vitaigwe moto muliduva lyaukumu na lyakubamolegwa kwa avalá vákave Nnungu.