Vabalaniya 6:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Alyo tunkuvanavo kenga inanga yaungumi wetu, íkajagajega na yauwakika, lilindilililo lipaléta mwinguvo yamulyutu lyakwilimyanga-uti

Vabalaniya 6:19 ပူးပေါင်းရင်းမြစ်များ

Mateu 27:51

Mwe! Inguvo ailá yamwing'ande ya Nnungu kupapuka kuma kushanya mpaka mwina, shilambo kundangenda na majanga kutumbukanga.

Vitendo 23:6

Napanelo Paulu kwodamwaa andímanya kenga panguguvale awo vanji vavele mapalishayo, vanji kuva mashadukayo, andítangola pashanya po aashidoni, “Mmanung'unumunu, nangu ni mpalishayo mwana wamapalishayo. Apa ninkuukumigwa kwamwaa walilindilililo lyakudyuka kwavakupela.”

Vitendo 27:29

Napane vajopa ingalava kuka ndalitumbula mumajanga, vandíjalangila dinanga nsheshe mmedi kunyuma ingalava vashwali wiku ulangale ambi.

Vitendo 27:40

Nadoni vandílumulanga mididi vyadinanga kuleka dinanga mmedi akuno vaungulanga ding'wau dyakunyuma dyakulangalalela ingalava pakulota dilangalalele ingalava. Nakavili vandíkwedya itanga idikidiki yakulilomo pakulota ingalava yuke ikashiye kunshanga.

Valoma 4:16

Ni ashi shitádya kulivikila kunanapele mulikulupililo pakulota kwodanenavo umonyo kwambangidya dashi kuke bila kwambambidya muudukulu uti i gweka wamulilamulo kanji namomo aijá walikulupililo limwe Abulaamu, jo tatamunu wetu uti

Valoma 4:18

Ata ikava kenga lilindilililo halipagwíte, mulilindilililo Abulaamu andíkulupila kenga andava tatamunu waimbumba yavenentete kwodananavo mwavamwaulidíle, “Amu ni mwaulatela kuvalela udukulu wako.”

Valoma 5:4

kulipililila kunkwidanavo umana kutwala umana kwidanavo lilindilililo.

I Vakolintu 13:13

Napanelo linkupagwa likulupililo, lilindilililo na linagwaledyo, vinu vitatu kanji avi uti shikumene ni linagwaledyo.

I Vakolintu 15:58

Napavedoni mmanung'unumunu mmakunagwaleka, nanopa na hamunajagajege ngwengwe muumbaligwidye shimadengo shimwe Umu mumanya kenga nkati mwake Umu shimadengo shenu hashinava shinu shabule.

Vaepeshu 2:6

Anditudyuwa namu nae na anditutadya namu nae twikale mumautu akuwa nkati mumwe Klistu Yesu

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 3:1

Napavedoni ikava kenga mundidyuka namu Klistu, bai lambela vinu vivéle kuwa kwaikele Klistu kunkanakono kwake Nnungu.

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

Vabalaniya 4:16

Nadoni tuvandikile shiteng'u shaumonyo kwantima shii kwambangidya twanangiligwa shididi na tukakodye umonyo wakulota kutupwashela muwakati ulotéka.

Vabalaniya 9:3

Panyuma inguvo yambili indípagwa isemu yavashema Lyutu Lyakwilimyanga-uti,

Vabalaniya 9:7

Kanji isemu yambili ainjila gweka nkúlangalalela-shadaka nkumene, jojo jo ainjila mwanda umo kwamwaka. Painjila po, hanainjila bila myadi vyakumuumidya Nnungu kwamwaa wake jo mwene na kwamwaa washimadambi shavatandile venentete kwabila kulimanya.

I Patulu 1:3

Atumbyangilike Nnungu na Tatamunu umwe Umu wetu Yesu Klistu! Kwaindila yakudyuka kumwe Yesu Klistu pakati pavakupela na kulingananavo shididi shake shikumene, nae andituvaleka kavili waambi pakulota tupate lilindilililo lingumi