Vabalaniya 5:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Yesu mumaduva anamile mushilambo amu, andílyumya mukushwali na mukujugwangila annamadikila pashanya po akuno alila anjugwa aijá áulula amwambole mukupela kutwala nae kumwigwa mwaa wakunjopa Nnungu.

Vabalaniya 5:7 ပူးပေါင်းရင်းမြစ်များ

Mateu 27:46

Paiwikile satisa, Yesu kukugwa pashanya po aashidoni, “Eloi, Eloi, lama sabakitani?” yani “Nnungu wangu, Nnungu wangu, mwaa shani uningwambukanga?”

Mateu 27:50

Bai Yesu andíkugwa kavili pashanya po kutwala kujaa imumu.

Malukushi 15:34

Bai paiwikile satisa Yesu andíkugwa pashanya po aashidoni, “Eloi, Eloi, lama sabakitani?” mana ake, “Nnungu wangu, Nnungu wangu, mwaa shani uningwambukanga?”

Malukushi 15:37

Bai Yesu patangwele pashanya po andíjaa shingumi

Lukashi 23:46

Bai Yesu andíkuta pashanya po aashidoni, “Atata, mmakono mwako ninkukamudya imumu yangu.” Patangwele davo, nae kujaa shingumi.

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 11:35

Yesu andyúmadyanga myodi.

Nshuwau 11:42

Ninkumanya kenga wako ngwengwe unkungwigwa kanji nditangola davo pakulota vanu vangutang'anadídye vakulupile kenga wako po, ni úngutumididye.”

Nshuwau 17:1

Yesu akatangole davo andínyanyula shilaka kulola kuwa kutwala kushidoni, “Atata, wakati undiwika! Mupe mwanavo lishangelo pakulota nanae akupe lishangelo

Valoma 8:3

Doni, ashilá shíkaulwile lilamulo kutandedya kwamwaa wakudabadabanga kwashimunumunu, Nnungu anditandedya pantumididye Mwanagwe kwaing'ope yashimunumunu yalidambi na kwaupande walidambi, nae andyukumu lidambi mushimunumunu

Vagalata 4:4

Napane paukile ndawikila popo wakati we uvikíke, Nnungu anintumidya mwanagwe ávalakwadidye munkongwe na ávalakwadidye mukutawaligwa na lilamulo

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Vabalaniya 10:10

Kwamwaa wamalotelo ala, tundyuka ndatandegwa vakwilimyanga kwaindila yashadaka shamili umwe Yesu Klistu ukíle ndaumigwa kwamwanda umo tu bai.

Vabalaniya 10:5

Napavedoni Klistu paidile mushilambo amu atédoni, “Shadaka na inudyo haulatile, ila mili uningukandyangidya;

Vabalaniya 11:7

Kwalikulupililo Noe pavammanyiidye kaladavo avilá vilóta kutandeka pakuva jojo jo ashinanjopa Nnungu, nae andíkandyanga ingalava yakulota kwambola likola lyake. Nadoni andyúkumu shilambo na kutandegwa kuva nkúpata-maleko aishaliya kwaindila yalikulupililo.

Vabalaniya 12:28

Napavedoni pakuva tunkupata utawala úkaululika kundangandegwa, indituvaikila tulambwalele na tulipudye kwake Nnungu kwainamuna innagwéla, kwaishima na kwakunjopa

Vabalaniya 13:20

Mwenu, Nnungu waamani anindyuwa Yesu pakati pavakupela, Umu wetu, Nkúshunga nkumene wavangandolo kwaindila yamyadi vyaimbodi íkamalilika,

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

I Nshuwau 4:3

kanji kula imumu íkammanya Yesu Klistu, hainaalakela shinu kwa Nnungu. Ayo ni imumu yammongo wake Klistu jo wamumwigwite kenga andaida, tayali andiwika mushilambo amu.

II Nshuwau 1:7

Mwaa vakuduwanga voe vandyumilila mushilambo amu na vovo vo, havanammalanganga shinu Yesu Klistu kwida mushimunu. Amu ni mwavalalele nkúduwanga na mmongo wake Klistu.