Vabalaniya 4:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Napavedoni linkupagwa liduva lyakupumula kwavenentete vake Nnungu

Vabalaniya 4:9 ပူးပေါင်းရင်းမြစ်များ

Mateu 1:21

Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.”

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vabalaniya 11:25

mwaa nae andítandola kuvauvanga pamo na venentete vake Nnungu kuliko kunagwaledya lipuwilo lyamadambi lipíta.

Vabalaniya 3:11

Nadoni ndililapa nkati mushitundi shangu, ‘Mwiko havainjila mukupumula kwangu.’ ”

Vabalaniya 4:1

Napavedoni pakuva kulivikila aku kwakwinjila mukupumula kwake Nnungu kunkupagwa mpaka ambi, bai indituvaikila tujope kwambangidya hanapagwe ata jumo pakati penu wakwanakananga kukowa mene kuwikila shabaa.

Vabalaniya 4:10

mwaa aijá áinjidile mukupumula kwake Nnungu, nae ankupumula shimadengo shake kenga mwapumulidile Nnungu shimadengo shake.

Vabalaniya 4:3

Kanji kwetu wetu túukile ndakulupila tunkwinjila amulá mukupumula kulingana kenga mwatangaladile Nnungu, “Nadoni ndililapa nkati mushitundi shangu, ‘Mwiko havainjila mukupumula kwangu,’ ” ata ikava kenga shimadengo shake shindimalilika tangu kukandyangigwa kwashilambo.

Vabalaniya 4:8

Mwaa leka Yoshuwa àvapele kupumula, Nnungu hanatangole kavili ing'ano yaliduva linji.

I Patulu 2:10

Mwenu kala po, ata padyoko vela hamuvéle mmenentete kanji ambi apa mmenentete vake Nnungu; kala po hamushanaangiligwa shididi kanji napane mundyanangiligwa.

Maono 14:13

Napanelo kuwa ko lindíigwinika lidi liishidoni, “Andika! Vandyalaligwa avalá valóta kupela nkati mumwe Umu kutunduvangila ambi apa kuka mushu.” Imumu ankushidoni, “Elo, vanavo vandapumula shimadengo shave shadimongo mwaa vyepo vyashimadengo shave, vindavoda.”

Maono 21:4

Nae andavapukutanga myodi uti kumevo kwave; kupela, shipalodi, shililo, kupwateka hakupagwa kavili mwaa vinu vyakala uti, vindipita.”