Vabalaniya 4:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Vabalaniya 4:12 ပူးပေါင်းရင်းမြစ်များ

Lukashi 8:11

“Napanelo mana ankong'o au ni ala: imbeju yo ni lilove lya Nnungu;

Nshuwau 12:48

Munu ángwita nangu na mene kwitikila malove angu, apali wakumuukumu. Lyo lyene lilove lyanguvalanganga ni lilóta kumuukumu muliduva lyamwisho.

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Vitendo 2:37

Bai vanavo vakaigwe malove ala, vindívabuka mitima kutwala kumudya Patulu pamo na vamyombe vanji kushidoni, “Mmanung'unumunu, napanelo wetu po tutandelé mwashi?”

Vitendo 4:31

Bai pavamalidile kushwali, palyutu lyavakadyaniénge pandíndangenda, vanavo uti kuvaumbala Imumu Wanashwe na vashindavalanganga lilove lya Nnungu pavakajugulanga shinu.

Vitendo 5:33

Napane vanavo pavaigwite malove alo, vandínyanyamukanga kulota kulamulila kuvovya shingumi.

Vitendo 7:38

Ni jo Musha apagwíte mushipinga shavanakuluvetu kushimbweshe na njelo andítangola namu nae pamo na vanakuluvetu palishinga lya Shinai; nae ni ápwashaladile malove mangumi akutupa wetu.

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

I Vakolintu 1:24

napanelo kwa avalá vashamagwídye ata ikava vayuda kwali vamidi, Klistu dimongo dyake Nnungu na limanyilo lyake Nnungu.

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

Vaepeshu 5:13

Kanji vinu uti vikakashauligwa na lilangadyo vindáaneka

Vaepeshu 5:26

pakulota atadye kuva lyakwilimyanga paushanienge ushapu kwakuukanga na medi kwaindila yalilove

Vaepeshu 6:17

Twala shijulu shashitali shakwambola na lyambila lya Imumu lìvele lilove lya Nnungu.

I Vateshalonika 2:13

Tunkunnambwalela Nnungu momo kwabila kudoba kwamwaa au: pamupwashaladile lilove lya Nnungu kwaupande wetu, mundipwashalela i kenga lilove lyavanu kanji kenga mwalivalalele mwiu lilove lya Nnungu likóla madengo nkati mwenu mmakukulupila.

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

Vabalaniya 13:7

Vakumbukile vananangalaledi venu vammalangangidíle lilove lya Nnungu, mulaledya namene shana vyepo vyashinamidyo shave mutwale mujedye likulupililo lyave.

Vabalaniya 6:5

valingíle wambone walilove lyake Nnungu pamo na dimongo dyawakati ulóta kwida

Tiyagu 1:18

Kwamalotelo ake jo mwene, nae andituvaleka kwaindila yalilove lyake lyaumwiu kwambangidya tuve kenga vyepo vitandi muviumbe vyake.

I Patulu 1:23

Mwaa mwenu mundivalekwa kavili waambi i kwaimbeju ipéla kanji kwaimbeju íkapela kwaindila yalilove lyake Nnungu, lingumi na lipágwa ngwengwe.

Maono 1:16

munkanakono wake kunyukata dinondo saba, nkanywa mwake kuma lyambila lyakukola kuvili na ing'ope yake kuva yakushenga kenga liduva palivala na dimongo.

Maono 19:15

Nkanywa mwake mundyúma lyambila lyakukola pakulota avabyaile venentete, jojo jo andavalangalalela na ipimbo yashitali na andakandangila vinyu mulitangi lyakushimwa kwake Nnungu Wadimongo-uti.

Maono 19:21

Vanji uti vandíbyaigwa na lyambila limwe aijá ánkwadile punda, lyambila lyolyo lyumíle nkanywa mwake. Bai malembo uti vindívakamila vitumbo kwamwaa wadinyama dyave.

Maono 2:16

Napavedoni lijugulange! Ukanalijugulanga ndakwidila shipajelo ndavatenda ing'ondo vanu avo na alilá lyambila lyuma nkanywa mwangu.

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.