Vabalaniya 2:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

Vabalaniya 2:14 ပူးပေါင်းရင်းမြစ်များ

Mateu 16:17

Yesu akanjang'ula kushidoni, “Undijaligwa wako Simoni Bali-Janashi! Hanava shinu munu ákupundishidye vinu avi ila ni Atata ávele kuwa.

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 12:24

Ninkumwaulila mwiu mwiu doni, imbeju yangano painagwilila pai ikanawa, ivalela momo. Napane ikawa, indápa vyepo vyoe.

Valoma 14:9

Kwaing'ano ai, Klistu andipela na andidyuka kwambangidya dashi, nae ave Umu ata ikava kwavakupela kwali kwavangumi.

Valoma 8:3

Doni, ashilá shíkaulwile lilamulo kutandedya kwamwaa wakudabadabanga kwashimunumunu, Nnungu anditandedya pantumididye Mwanagwe kwaing'ope yashimunumunu yalidambi na kwaupande walidambi, nae andyukumu lidambi mushimunumunu

I Vakolintu 1:28

Nnungu atandwelé vinu vyanéka mushilambo kuva vyakunyambikanga, vyakwiludyangika na ata víkapagwite pakulota dashi amalidye avilá vipagwíte

I Vakolintu 15:50

Napanelo ninkushidoni mmanung'unumunu, mili na myadi havyulula kupata kenga maleko utawala wa Nnungu na ashilá shilambaléka hashuulula kupata ungalambaleka.

Vagalata 4:4

Napane paukile ndawikila popo wakati we uvikíke, Nnungu anintumidya mwanagwe ávalakwadidye munkongwe na ávalakwadidye mukutawaligwa na lilamulo

Vakoloshu 2:15

avapoka dimongo vakutawala na vamadalaka. Nadoni nae avatadyengé dyoni paumbala avatema kwaindila yanshalaba.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

II Timoti 1:10

napane undililodya kwakuumilila kumwe Mwamboli wetu Klistu Yesu. Kwaupande unji nae andimalidya kupela, kwaupande unji mulilangadyo kwidanavo shingumi na ungapela kwaindila yantenga wambone,

Vabalaniya 10:10

Kwamwaa wamalotelo ala, tundyuka ndatandegwa vakwilimyanga kwaindila yashadaka shamili umwe Yesu Klistu ukíle ndaumigwa kwamwanda umo tu bai.

Vabalaniya 10:5

Napavedoni Klistu paidile mushilambo amu atédoni, “Shadaka na inudyo haulatile, ila mili uningukandyangidya;

Vabalaniya 2:17

Kwamwaa au, inimmaikila nae atandegwe kuva wakulinganana na vanung'unumunu nkati mumavalelo pakulota ave nang'olo washididi na nkúlangalalela-shadaka nkumene wakukulupilika áigwania namu Nnungu kwambangidya atandedye kudimanga shitundi kwamwaa washimadambi shavenentete.

Vabalaniya 2:18

Pakuva jo mwene andyuvauvanga mukutubigwa, ambi apa ankuulula kuvapwashela avalá vatubígwa.

Vabalaniya 4:15

Mwaa nkúlangalalela-shadaka nkumene watuvenavo ankuulula kutwanangila shididi mukudabadabanga kwetu. Kanji leka apo, munu kenga wetu nae andyuvauvanga dinamuna uti dyakutubigwa kwabila kutenda shimadambi.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

I Patulu 1:20

Ata ikava kenga mwamanyikidile kaladavo shilambo shikanava kukandyangigwa, andililodya muwakati au wamwisho kwamwaa wenu mwenu;

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.

Maono 12:9

Napanelo lijoka likumene alilá lindíjalegwa pai. Aju ni jojo aijá nyoka wakala wavanshema Ndamoni kwali Shatwani ávaduwanga vanu mushilambo uti. Nae pamo na vanjelo vake vandijalegwa mushilambo shapai.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Maono 20:2

Nae anínkamula lijoka, aijá nyoka wakala àvele Ndamoni kwali Shatwani kutwala kumunga vyaka alupu imo;