Vabalaniya 2:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Mwenu, aijá átadya kwilimyanga na avalá vailimyangígwa, uti ava vankwalakela kwa aju, jumo. Napavedoni Yesu hanona dyoni yakuvashema vanavo vanung'unumunu

Vabalaniya 2:11 ပူးပေါင်းရင်းမြစ်များ

Mateu 25:40

Umu kutwa kushidoni, ‘Ninkumwaulila mwiu doni, kula shinu shamuntandalele ndikidiki-uti pakati pavanung'uvangu ava, mungutandalelé nangu.’

Mateu 28:10

Bai Yesu andívaulila kushidoni, “Hamunajope! Wena mukavaulile vanung'unuvangu vauke ku Galileya, koko ko vanangwona.”

Malukushi 3:34

Bai akavalole vanu vantang'anedídye nae kushidoni, “Mwenu, ajala na vanung'unuvangu ni ava vavéle apa

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

Lukashi 9:26

Munu woewoe akangwanangila nangu dyoni na kwanangila dyoni malove angu, muliduva lyakwida Mwana Wamunu na lishangelo lyake, mulishangelo lyolyo lyatatake na lyavanjelo vakwilimyanga, nanae munu ajo andamwanangila dyoni.

Nshuwau 17:19

Kwamwaa wavanavo nangu ninkulyapulila pakulota navanavo momo valyapulile nkati muumwiu.

Nshuwau 17:21

Vanavo uti vave shinu shimo kenga mo mwaupagwididye wako Atata nkati mwangu na nangu kupagwa nkati mwako. Navanavo momo vave nkati mwetu pakulota shilambo shikulupile kenga wako uningutumidya.

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

Vitendo 17:26

Kutunduvangila kumunu jumo andivakandyanga venentete uti pakulota vaname mushilambo uti; ni jojo ávapangidile kaladavo wakati wakunama na ávavikidile kaladavo mautu wakunama kula venentete

Vitendo 17:28

Ivelé kenga mwavatangaladile doni, “ ‘Nkati mwake tunkunama, tunkuwena na tunkuvanavo umunu wetu,’ kenga mwavatangaladile vanu venu vashilanga doni, “ ‘Nawetu momo ni udukulu wake nae.’

Valoma 8:29

Mwaa avalá vávamanyite kaladavo, namomo andivapangila kaladavo pakulota dashi valinganane na ing'ope ya Mwanagwe kwambangidya nae ave ntandi kuvalekwa pakati pavanung'unumunu voe.

Vagalata 4:4

Napane paukile ndawikila popo wakati we uvikíke, Nnungu anintumidya mwanagwe ávalakwadidye munkongwe na ávalakwadidye mukutawaligwa na lilamulo

Vabalaniya 10:10

Kwamwaa wamalotelo ala, tundyuka ndatandegwa vakwilimyanga kwaindila yashadaka shamili umwe Yesu Klistu ukíle ndaumigwa kwamwanda umo tu bai.

Vabalaniya 10:14

mwaa kwaindila yashadaka shimo tu, nae andivatadya vawikile popo ngwengwe ngwengwe avalá vatandégwa kuva vakwilimyanga.

Vabalaniya 11:16

Kanji leka apo, vanavo vashindalikanyalidya vapate shilambo shamana yani shilambo shakuwa. Napavedoni Nnungu hanona dyoni pashamegwa kuva Nnungu wave mwaa jo mwene andivakandyangidya aulá njini.

Vabalaniya 13:12

Nadoni Yesu momo andyuvauvanga panda likaja pakulota kuvatadya venentete vave vakwilimyanga kwaindila yamyadi vyake jo mwene.

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.