Vabalaniya 12:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Lilaledye! Hamunamwite aijá átangola. Ikava kenga avalá vamwitíle aijá áshivaduma mushilambo amu havananwile, kushi wetu túmwambukanga aijá átuduma kwalakela kuwa?

Vabalaniya 12:25 ပူးပေါင်းရင်းမြစ်များ

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 8:4

Yesu kutwala kumwaulila kushidoni, “Wako, haunamwaulile munu ila wena ukalilodye kwankúlangalalela-shadaka, umye shadaka shalamulidile Musha pakulota uve ushuda kwavanavo.”

Vitendo 7:35

“Napanelo Musha jo wavamwitíle vaashidoni, ‘Áshikutandola nyani kuva nkútawala na nkúukumu wetu wetu’ jojo jo, Nnungu aníntandola kuva nkútawala na nkwámbola kwaindila yanjelo e amuumilidíle mulilamba lyamoto úshikalela mulyukutu.

I Vateshalonika 5:15

Lilaledye shana kwenu mwenu hanapagwe woewoe wakunnipa muje wakunyata kanji ngwengwe vingilidya ashilá shambone kwaupande wenu mwemwe mmene kwali kwavanu uti.

II Timoti 4:4

Vandashinjiulila matu ave kunji vaita umwiu na kushinjiukila kudinano.

Vabalaniya 1:1

Kala po Nnungu andítangola na vanyakalavetu myanda vyoe na kwadinamuna dyoe kwaindila yavakulava

Vabalaniya 11:7

Kwalikulupililo Noe pavammanyiidye kaladavo avilá vilóta kutandeka pakuva jojo jo ashinanjopa Nnungu, nae andíkandyanga ingalava yakulota kwambola likola lyake. Nadoni andyúkumu shilambo na kutandegwa kuva nkúpata-maleko aishaliya kwaindila yalikulupililo.

Vabalaniya 12:19

lidi lyalipalapanda na lidi lyamalove atadídye vaigwíte vo vajugwe doni, hatutamwa kwigwa kavili

Vabalaniya 3:12

Lilaledye mmanung'unumunu, hanapagwe munu pakati penu wantima waukalau na waungakulupila untadya aapukananganavo Nnungu mumi.

Vabalaniya 3:17

Da vakwashi vavavikidile Nnungu shitundi muvyaka alubaini? Da havanava shinu avalá vatagíle kutwala mili vyave kushikigwa kushimbweshe?

Vabalaniya 8:5

Shavatumika vanavo ni lilodyo vila na shimbedi shavinu vivéle kuwa. Musha pashilota kudenga yema Nnungu animwaulila kaladavo doni, “Lilaledye, tenda kula shinu kwodananavo lilodyo lyandikuladidye akulá kulishinga.”

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Maono 22:9

Kutwala nae kushidoni, “Gwe! Haunatende davo! Nangu nintumika kenga wako pamo na vanung'unumunu vakulava na uti avalá vatandédya malove amulibuku ali. Lipudye kwa Nnungu.”