Vabalaniya 12:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ mundiwika kumwe Yesu nkúdumangila waimbodi yaambi na myadi vyake vyamyajangidile, vitangóla shana kuliko myadi vimwe Abeli.

Vabalaniya 12:24 ပူးပေါင်းရင်းမြစ်များ

Mateu 23:35

Nadoni mwenu mundapakala makosha amyadi vijaíke muulongo vyavanu vaishaliya. Mundapakala kutunduvangila kumyadi vimwe Abeli munu waishaliya mpaka kumyadi vimwe Shakaliya mwanagwe Balakiya wamummyee pakatipakati akuno kwalutali ako kulyutu lyakujowa.

Mateu 26:28

Avi apa ni myadi vyangu, myadi vyaimbodi vivajaikíla voe kwakulivalivigwa kwamadambi.

Malukushi 14:24

Kutwala kushidoni, “Avi ni myadi vyangu, myadi vyaimbodi vilóta kuvajaikila vanu voe.

Lukashi 11:51

Vandadaigwa kutunduvangila myadi vimwe Abeli mpaka myadi vimwe Shakaliya wavamyaidile mwing'ande ya Nnungu pakatipakati akuno ku alutali ako kulyutu lya Nnungu. Ninkumwaulila ngala doni, myadi avyo Nnungu andavadai vanu vaimbula ai.

Lukashi 22:20

Pavamalidile kulya, andítwala shikombe kutandela momo aashidoni, “Shikombe ashi ni imbodi yaambi yamyadi vyangu vijaíka mwaa wenu mwenu.

Vagalata 3:20

Napane nkúdumangila hanava wamunu jumo kanji Nnungu avelé jumo.

I Timoti 2:5

Mwaa ankupagwa Nnungu jumo na kupagwa nkúdumangila jumo pakati pamwe Nnungu na vanu: munu jo Klistu Yesu

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Vabalaniya 11:28

Kwalikulupililo andítenda shikukulu sha Pasaka na kumyajanga myadi kwambangidya aijá Nkúmalidya hanavadabunye vana vatandi kuvalekwa vavanaishilaeli.

Vabalaniya 11:4

Kwalikulupililo Abeli andímuumidya Nnungu shadaka shambone-uti kuliko Kaimu. Kwalikulupililo lyake, Nnungu ashindamwimyanga kuva waishaliya paukile ndakubali dinudyo dyake. Nadoni ata ikava kenga andipela, kwaindila yalikulupililo nae mpaka ambi ankutangola.

Vabalaniya 13:20

Mwenu, Nnungu waamani anindyuwa Yesu pakati pavakupela, Umu wetu, Nkúshunga nkumene wavangandolo kwaindila yamyadi vyaimbodi íkamalilika,

Vabalaniya 7:22

Nadoni jo Yesu aju, anditandegwa kuva shakwimididya mwimbodi yamana.

Vabalaniya 8:13

Patangola Nnungu yaimbodi yaambi yakala yo nae anditadya ipite na wakati; napane ashilá shipitíle wakati na shikangapéle, asho shinkuka mukulambaleka.

Vabalaniya 8:6

Kanji napane ambi apa utumika wapatile Yesu wo, ni wambone kuliko wavanavo, nadoni kenga mo, imbodi intadídye nae ave nkúdumangila waimbodi yamana kupunda yakala, yoyo yo inkunanapela muvyakulivikila vyamana.

Vabalaniya 8:8

Kanji napane Nnungu andyóna kupagwa shoovíte kwavenentete kutwala kushidoni, “Mwenu, andawika maduva, atangola Umu, pangulota kupanga imbodi yaambi na shipinga shavanaishilaeli pamo na shipinga shavayuda.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

Vabalaniya 9:19

Mwaa Musha paukile ndamalila kuvavalangangila venentete uti kula lilamulo, nae andítwala myadi vyavang'ombe na vyavambudi pamo na medi, pamba wanauvi na mishasha vyannandi wavashema ishopu kutwala kumyajangila lyo lyene libuku pamo na venentete uti aashidoni,

Vabalaniya 9:21

Yadavo momo paukile ndaalaliya yema na vyombo uti vyakulipudidya, andímyajangila myadi.

I Patulu 1:2

munditandalegwa kwodananavo mwamanyilile kaladavo Nnungu Atata na munkutandegwa mmakwilimyanga kwaindila ya Imumu pakulota mumwigwilile Yesu Klistu ámyayangidile myadi vyake. Umonyo na amani vyanjadyeke kwenu mwenu.