Vabalaniya 12:2 - Ibibiliya mu Shimakonde Imbodi Yaambi na dimbande dya Imbodi Yakala

² tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Vabalaniya 12:2 ပူးပေါင်းရင်းမြစ်များ

Mateu 16:21

Napanelo kutwala apo Yesu kutunduvanga kuvamanyiya ngala vakwoda vake doni, nae inimmaikila auke ku Yelusalemu, koko ko akapate mauvilo oe kwavanang'olo, kwavakulangalalela-shadaka vanang'olo na kwavamwalimu vadishaliya, apele na muliduva lyantatu lyake adyuke.

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Malukushi 14:36

Napane kushidoni, “Aba, Atata, vinu uti wako unkuulula. Nyemya luwene alu pamili pangu ila haunatende mwangulatela nangu, tenda mwaulatela wako umwene.”

Malukushi 15:28

Malukushi 16:19

Napanelo Umu Yesu akamalile kutangola namu vanavo, nae po kutanduligwa kuka kuwa ndaikala kunkanakono kwake Nnungu.

Malukushi 9:12

Yesu do, “Mwiu paida Liyashi, andapanganianga vinu uti. Kanji mwaa shani indyandikigwa imwamba Mwana Wamunu doni, ‘Inimmaikila auvauvange vinu vyoe na ailudyangigwe’?

Malukushi 9:24

Tatamunu kutangalenneu pashanya po aashidoni, “Nangu ninkukulupila ila ngupwashela kutema ungakulupila wangu.”

Lukashi 17:5

Vamyombe kutwala kumwaulila Umu kushidoni, “Twanjadyedya likulupililo!”

Lukashi 23:11

Bai Elode pamo na vaing'ondo vake vaníntanila na vandímwiludyanga, kungwadya ikanju yashiumu kutwala kumuujidya kumwe Pilatu.

Lukashi 24:26

Da haimmaikidile Klistu auvauvange atwale ainjile mulishangelo lyake?”

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

Nshuwau 12:24

Ninkumwaulila mwiu mwiu doni, imbeju yangano painagwilila pai ikanawa, ivalela momo. Napane ikawa, indápa vyepo vyoe.

Nshuwau 12:32

Napane nangu pavalota kungunyanyulidya kushanya mushilambo amu, vanu uti ndavashombela kwangu.”

Nshuwau 13:3

na Yesu àmanyite kenga Tatamunu aninkamudya vinu uti mmakono mwake, namomo àalakadile kwa Nnungu na ankuujila kwa Nnungu,

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 8:56

Tatagwenu Abulaamu íshinannagwela namene aone liduva lyangu; liduva ali andyóna na andípuwanga.”

Vitendo 2:36

Napanelo mmaishilaeli uti ikala mumanya shalowa doni, Yesu jo, jo wamunkamadile panshalaba jo, Nnungu anintenda kuva Umu na kuva Klistu.”

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Vitendo 5:31

Jojo jo, Nnungu animmika palyutu lyashimbili kunkanakono kwake antenda kuva Nang'olo na Mwamboli kwambangidya avape vanaishilaeli kulijugulanga na kulivalivigwa kwamadambi.

Vitendo 5:41

Vamyombe vandyúma panguguvale awo vapuwanga pakuva vandivalangiligwa aki yakunyambikanga kwamwaa wa Lina ali.

I Vakolintu 1:18

Mwenu, lilove lyanshalaba ni ujinga kwa avalá vajaíka kanji kwetu wetu túpagwite mukwambolegwa ni dimongo dyake Nnungu.

I Vakolintu 1:23

kanji napane wetu tunkummalanganga Klistu wakukamalalegwa panshalaba, kwavayuda kuva shakulikuvala na kwavamidi kuva ujinga,

Vaepeshu 2:16

na pakulota nae avaunganiange vavili ava mumili umo kwa Nnungu kwaindila yanshalaba amalidya umongo.

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vapilipo 1:6

Ninkuvanavo wakika kenga aijá átunduvenge shimadengo shambone nkati mwenu, andatadya shiwikile popo mpaka muliduva limwe Klistu Yesu.

Vapilipo 3:20

Kanji wenentete wetu wetu uvelé kuwa akulá kwatunnindila na dukuduku mwamboli, Umu Yesu Klistu.

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

Vabalaniya 1:13

Da wakwashi pakati pavanjelo wamwaulidile nae angalau mwanda umo vela do, “Ikala kunkanakono kwangu mpaka nangu vamongo vako ndivateke, wako uvaluvatile kumaulu”?

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Vabalaniya 10:14

mwaa kwaindila yashadaka shimo tu, nae andivatadya vawikile popo ngwengwe ngwengwe avalá vatandégwa kuva vakwilimyanga.

Vabalaniya 10:33

myanda vinji mutukanigwa na mutaigwa dyoni paumbala, myanda vinji muva mmakuliinjidyanga na vavenu vapáta mauvilo lolo.

Vabalaniya 11:36

Vanji vo, vashindaliuligwa na kushapigwa viboko, vanji kavili vandívaunga mang'unyang'unya na kuvajela mudikalaboshi

Vabalaniya 12:3

Mmikile namene kuntima aijá álipililidile kupingigwa kukumene kwavakutega kwamwaa wake jo mwene pakulota mwenu hamunadobe na ata hamunapungukigwe dimongo.

Vabalaniya 13:13

Napavedoni, leka tumuukile po panda likambi po, tulipililila dyoni dyake dyalipililidile nae.

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

Vabalaniya 7:19

mwaa lilamulo litandi halyulwile kutandedya shinu shoeshoe kuwikila popo kanji kwaupande unji, vandiingula lilindilililo lyamana na kwaindila yalyanavo tunkuulula kummandika Nnungu.

Vabalaniya 8:1

Mwenu, shikumene shatwambangila mwaa apa ni ashi, tunkuvanavo nkúlangalalela-shadaka nkumene kenga aju jo áikele kunkanakono washiteng'u shimwe aijá Wakujowa walishangelo, kuwa

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

Tiyagu 2:1

Mmanung'unumunu, pakuva munkuvanavo likulupililo kumwe Yesu Klistu Umu wetu walishangelo, hamunampambule munu.

I Patulu 1:11

Imumu umwe Klistu e apagwíte nkati mwave andyumya ushuda kaladavo avalanganga mauvilo alóta kumpata Klistu na lishangelo ling'oto lyamauvilo; vanavo vashindalambela vamanye Imumu ishimwamba nyani na wakati wene wo, wakwashi.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

I Patulu 3:22

ákwadile kuwa kwikala kunkanakono kwake Nnungu kutwala kuvavika vanjelo mwina mwake, madalaka pamo na dimongo uti.

Yudashi 1:21

nanopa nkati mulinagwaledyo lyake Nnungu akuno mulindila shididi shake Umu wetu Yesu Klistu pakulota shintwale muke kushingumi shíkamalilika.

Maono 1:11

liishidoni, “Vyawona avi andika mushidingo shalyamba utwa utumidye mmaganisha saba avéle ku Ashiya: Epeshu, Eshimilina, Peligamu, Tiyatila, Shalideshi, Piladelipiya namu Laudisheya.”

Maono 1:17

Paningwene, ndígwa mmadodo mwake kenga ndipela. Bai nae anínguvika nkono wake wakunkanakono kutwala kushidoni, “Haunajope! Nangu ni Nantandi na Wamwisho.

Maono 1:8

“Nangu ni Alupa na Omega,” atangola Umu Nnungu, “jojo ápagwite, e apagwíte na álota kwida, ni Wadimongo-uti.”

Maono 2:8

“Njelo waliganisha lya ku Eshimilina mwandikile, ‘Ala ni malove amwe aijá Nantandi na Wamwisho, e apadíle kutwala kunama: