Vabalaniya 11:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Kwalikulupililo Laabe aijá lilaja, haukíle ndapela pamo namu avalá vákaigwilidile mwaa andívakalibisha kwaamani avalá vakupalalesha.

Vabalaniya 11:31 ပူးပေါင်းရင်းမြစ်များ

Mateu 1:1

Ali ni lishauma lyamaimyo lyavanakuluvake Yesu Klistu ndukulugwe Daudi na jojo ndukulugwe Abulaamu.

Mateu 1:5

Shalamoni kummaleka Buwashi, aju, anyoke kuva Laabe. Buwashi kummaleka Obedi, aju, anyoke kuva Luti. Obedi kummaleka Yeshe,

Vitendo 15:33

Vanavo vakaikalange maduva avaikalenge pa Antiyokiya, vanung'unumunu vaantiyokiya vandílailananganavo kwaamani na vandívaleka vaujile kwa avalá vavatumidídye.

Vabalaniya 3:18

Namomo, vakwashi valilapidile Nnungu kenga mwiko havainjila mukupumula kwangu? Havanava shinu avalá vákamwigwilidile?

Tiyagu 2:25

Kenga mo mwaivalalele kumwe Laabe nkongwe lilaja áukile ndavapwashalela vakupalalesha kutwala kuvaumidya indila inji, da hapatile ishaliya kwaindila yavitendo vyake?

I Patulu 2:8

Namomo, “Lijanga lyakulikuvala, lyo livatádya vaagwe.” Vanavo ni vovo valikuvala mwaa havanaigwilila shinu alilá lilove kwoda nimomo mwavavapangidile tangu kala.

I Patulu 3:20

dyo díkashiigwilila muwakati wakala Nnungu pashilindila kwaupole mumaduva amwe Noe paishikandyangigwa ingalava. Mwanavo ni vanu padyoko tu vapukíle mmedi, vanu avo vavele nane.