Vabalaniya 10:39 - Ibibiliya mu Shimakonde Imbodi Yaambi na dimbande dya Imbodi Yakala

³⁹ Kanji napane wetu hatunava shinu vamushipinga sha avalá vatíla vauka kukubamalegwa kanji tunkupagwa mushipinga sha avalá vavénavo likulupililo vauka kukwambolegwa ungumi wave.

Vabalaniya 10:39 ပူးပေါင်းရင်းမြစ်များ

Malukushi 16:16

Aijá álota kukulupila na kubatishwa, andaambwalegwa kanji ákakulupila, andaukumigwa.

Lukashi 11:26

nae kuja kuka ndavashema majini anji saba akumamodya kubanga kumpunda nae. Vanavo kuka ndamwinjila munu ajo kwikalanga kutwala shinamilo shamunu aju muwakati awo, kuva shakumamodya kunyata kupunda shitandi.”

Nshuwau 17:12

Nangu pangushipagwa namu vanavo, ndivashunga mulina lyako, lina lyo lyaungupele. Ndivalaledya, hapali ata jumo ájaike. Ajaiké aijá wavampangidile kubamalegwa kwambangidya awikile popo Maandiko.

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

I Vateshalonika 5:9

Mwaa Nnungu hatupangidile kwashitundi kanji pakulota tupate kwambolegwa kwaindila imwe Umu wetu Yesu Klistu

II Vateshalonika 2:3

Hamunanneke munu anduwanga kwainamuna yoeyoe mwaa liduva alyo, haliwika shitandi kukanava kupagwa kumpinga Nnungu na ankwaneka munu waungave-lilamulo aijá mwana wakubamalegwa,

I Timoti 6:9

Kanji napane avalá vavanavo malotelo muntima vave matajili, vanágwa mukutubigwa, mudinambo na mumalotelo oe ákave mana na akunyata alalá avatitimídya vanu mukubamalegwa na mukujaika.

Vabalaniya 10:26

Mwenu, ikava kenga tundauka mushu tutega namadi ling'oto lyakupata limanyilo lyaumwiu, manya kenga hashitandeka shadaka shinji kwashimadambi

Vabalaniya 10:38

Waishaliya andanama kwalikulupililo; ikava kenga nae andatila, ungumi wangu, haumpuwangila.”

Vabalaniya 11:1

Mwenu, likulupililo ni kuvanavo wakikisho wavinu vilindililígwa, kukubali avilá víkaaneka.

I Patulu 1:5

Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.

II Patulu 3:7

Kuwa na pai vyo vipagwíte ambi apa, vyanavo vindikondyegwa kwaindila yoyo yalilove; vindikondyegwa pakulota vitaigwe moto muliduva lyaukumu na lyakubamolegwa kwa avalá vákave Nnungu.

I Nshuwau 5:16

Ikava kenga munu anamwona nung'unumunu atega lidambi líkamuukanavo kukupela, anjugwangile na Nnungu andamupa shingumi; andavapa avalá vaténda lidambi líkavaukanavo kukupela. Lipali lidambi livaúkanavo vanu kukupela, nadoni kwa alyo, hangunatangola shinu mwenu mujugwangile.

I Nshuwau 5:5

Da nyani átema shilambo? Ni gweka aijá ákulupila kenga Yesu ni Mwana wa Nnungu.

Maono 17:11

Lidimu jo andípagwa kanji napane hanapagwa shinu, nae ni umu wanane. Aju ankupagwa pamo na avalá saba, jojo jo ankuka kukubamalegwa.

Maono 17:8

Lidimu waungwene jo, andípagwa kanji napane hanapagwa shinu. Nae andauma ambi popa ku Litavaleva kwida ndabamalegwa. Vanu vanáma mushilambo shapai uti vákaandikigwe mena ave mulibuku lyashingumi tangu kukandyangigwa shilambo, vanavo vandashanga pavalota kumwona lidimu mwaa andípagwa, napane hanapagwa shinu kanji andapagwa kavili.