Vabalaniya 10:35 - Ibibiliya mu Shimakonde Imbodi Yaambi na dimbande dya Imbodi Yakala

³⁵ Napavedoni hamunaleke kuvanavo ntima shii mwaa mundapata inudyo yakwidapela.

Vabalaniya 10:35 ပူးပေါင်းရင်းမြစ်များ

Mateu 10:32

“Napanelo kula munu álota kunguvalanganga nangu pamevo pavanu, nanangu nammalanganga pamevo pake Atata ávele kuwa.

Mateu 10:42

Ninkumwaulila mwiu doni, munu álota kumupa luwene vela alu lwamedi akukumbila ndyoko jumo pakati pavadyoko ava kwamwaa wakuva nkwóda wangu nangu, ajo mwiko hakatoka inudyo yake.”

Mateu 5:12

Litamange na puwangila mwaa inudyo yenu kuwa ko ing'umene. Amo nimomo mwavavatandalele vakulava mwenu mukanava.

Lukashi 14:14

undona undajaligwa mwaa vanavo havavenavo shakukuujidya vilava. Wako vandakulipa muliduva lyakudyuka vaishaliya.”

I Vakolintu 15:58

Napavedoni mmanung'unumunu mmakunagwaleka, nanopa na hamunajagajege ngwengwe muumbaligwidye shimadengo shimwe Umu mumanya kenga nkati mwake Umu shimadengo shenu hashinava shinu shabule.

Vaepeshu 3:12

Nkati mwake nae, wetu tunkuvanavo ntima shii na litala lyakumuukila Nnungu tulyamini kwalikulupililo lyatuvenavo kwake nae.

Vabalaniya 10:19

Napavedoni manung'unumunu tunkuvanavo ntima shii wakwinjilila Lyutu Lyakwilimyanga-uti kwaindila yamyadi vimwe Yesu,

Vabalaniya 11:26

Andívalangilila kutukanigwa kwamwaa umwe Klistu kuva utajili ukumene kuliko vidimbi vya ku Mishili mwaa ashindona inudyo yalota kupata ling'oto.

Vabalaniya 2:2

Mwaa pakuva ntenga uvalangilígwe kwaindila yavanjelo undyanakananga kuva wakukulupilika, kula kupujungula na ungaigwilila undipata ukumu ivaikidíle.

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

Vabalaniya 3:6

kanji Klistu andikulupilika kenga mwana ávenavo madalaka amwing'ande uti ya Nnungu. Napane ing'ande yene yo, ni wetu ikava kenga tundashunga kwadimongo kukulupila kwetu na alilá lilindilililo lyatulitumbyangidya.

Vabalaniya 4:14

Napavedoni pakuva tunkuvanavo nkúlangalalela-shadaka nkumene-uti áinjidile kuwa, Yesu Mwana wake Nnungu, indituvaikila tunanope mu ashilá shatulyaula.

II Nshuwau 1:8

Lilaledye kwambangidya hashinanjaike ashilá shatukalalele namene madengo kanji pakulota mupate inudyo yakulinganana.