Vabalaniya 10:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Namomo tukumbukile namene mwashi mwakwimulanila kwalinagwaledyo na kutandedya matendo ambone.

Vabalaniya 10:24 ပူးပေါင်းရင်းမြစ်များ

Vitendo 11:29

Bai vanavo vandyámuwa kula nkwóda atumidye lipwashalelo kwodananavo shilinga shalyulula kwavanung'unumunu va ku Yudeya.

Valoma 11:4

Da apatile lijibu shani lyakwalakela kuwa? “Ndilikandyedya vanu dyalupu saba vákanguguvalidile Baali.”

Valoma 12:15

Puwanga namu avalá vapuwánga, lila namu avalá valíla.

I Vakolintu 10:33

kulingana mo mwandivanagwaladyedya nangu vanu uti muuti mene kulambela paida yangu kanji yavanu voe pakulota vaambolegwe.

I Vakolintu 9:22

Kwavakudabadabanga nangu nguukilé ndava nkúdabadabanga kwambangidya ndivapate vakudabadabanga. Nguukilé ndava uti kwavanu uti kwambangidya kwadindila dyoedyoe ndivaambole vanji.

II Vakolintu 8:8

Avi ninkutangola i kenga lilamulo kanji pakulota ninninge ngulinganianga na kutumbama kwavanji kenga linagwaledyo lyenu lyaumwiu.

II Vakolintu 9:2

Mwaa ndimanya kutumbama kwenu, shinu shangulyumidya shumbi kwavamakedoniya ndivaulila doni, tangu mwaka upitíle vaakaya vanavo vavelé tayali na dukuduku yenu inkuvaimulanga voe.

Vagalata 5:13

Mmanung'unumunu, ivele mupagwe muunaiti shitadídye mushamegwe kanji napane unaiti awo haunave nkanidyo wakulota kutandedya malotelo enu ashimunumunu ila inimmaikila mutumikane shivenevene kwaindila yalinagwaledyo.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vagalata 6:1

Mmanung'unumunu, munu akapatikana mukupujungula kwoekwoe, mwenu mmaimumu mùvele mwimumu yakulishapeya, nningule munu ajo mulishunga kwambangidya namwenu momo hamunatubigwe.

Vakoloshu 3:16

Lilove limwe Klistu liname namene nkati mwenu, mupundishania na mudumana kwalimanyilo uti, mwimba dimu, dimu dyalutumbyango na vilanga vyaimumu, muvanavo lilambwalalelo mmitima vyenu kwa Nnungu.

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

I Vateshalonika 5:11

Napavedoni, ing'ana ntima shii na nanawananga kenga mo mwamutandela mo.

II Vateshalonika 3:9

I do, hatuvenavo aki ayo kanji pakulota tulyumye wewe tuvene kenga mpano wakujedya mwenu.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

Titu 2:4

pakulota vavapundishe vakongwe vaulinga wangolo kuvanagwaledya vatavave pamo na vanavave

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.

Vabalaniya 13:1

Wena mushu munagwaladyania shinung'unumunu.

Vabalaniya 13:3

Vakumbukile avalá vaungwídye kenga muungwidye pamo namu vanavo; namomo avalá vauvauvánga kwabila shaliya vakumbukile kenga mwenu momo mmamili.

Vabalaniya 3:13

Leka apo, ing'ana ntima shii kula wakati ushamégwa “Liduva lyanelo” kwambangidya hanapagwe pakati penu munu wakunanopa aduwangika mulidambi

I Nshuwau 3:18

Mmanavangu, hatunanagwaledye kwalilove na kwapakanywa kanji muvitendo na muumwiu.