Vabalaniya 10:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Namomo Imumu Wanashwe ankwing'a ushuda kwetu wetu, shitandi ankushidoni,

Vabalaniya 10:15 ပူးပေါင်းရင်းမြစ်များ

Nshuwau 1:15

Kwake nae, Nshuwau andyumya ushuda na anditangola pashanya po aashidoni, “Aju ni jojo aijá wanishimmalanganga nangu nguushidoni, ‘Ling'oto lyangu nangu ankwida munu wakungupunda nangu mwaa ata nangu nikanava kupagwa, nae andípagwa.’ ”

Nshuwau 15:26

“Napanelo palota kwida aijá nkúpambadyanga wangulota kuntumidya kwaloka kumwe Atata, Imumu Waumwiu áalakela kumwe Atata, nae jo andaumya ushuda wangu nangu.

Vitendo 28:25

Napavedoni vàpagwite mukutaukananga shivenevene, Paulu andívaulila vaumanange atangola lilove limo, “Imumu Wanashwe anditangola viu na vanakuluvenu kwaindila imwe nkúlava Ishaiya

Vabalaniya 3:7

Doni, kenga mwatangalela Imumu Wanashwe, “Muliduva lyanelo ikava kenga munkwigwa lidi lyake,

Vabalaniya 9:8

Doni, Imumu Wanashwe ankulodya ìpagwite avi isemu itandi, indila yuka Lyutu Lyakwilimyanga-uti hainava kuunguligwa.

II Patulu 1:21

mwaa mwiko malove alo hapandukenge mumalotelo ashimunumunu kanji vanu vandivalanganga kwalakela upande wake Nnungu valangalalegwa kwa Imumu Wanashwe.

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Maono 2:11

“ ‘Ávenavo matu, aigwe vyatangola Imumu na maganisha. Nkútema, mwiko hashintandeka shinu mukupela kwambili.’ ”

Maono 2:17

“ ‘Ávenavo matu, aigwe vyatangola Imumu na maganisha. Nkútema ndamupa alye manaa apiíke na ndamupa lijanga lyanashwe lyavandike lina lyaambi, lina alyo hapali ámanyite ila jo mwene ápwashalela.’ ”

Maono 2:29

“ ‘Ávenavo matu, aigwe vyatangola Imumu na maganisha.’ ”

Maono 2:7

“ ‘Ávenavo matu, aigwe vyatangola Imumu na maganisha. Nkútema, andapata aki yakulya shepo shannandi washingumi uvéle kwa Nnungu lyutu lyalipuwilo.’ ”

Maono 3:13

“ ‘Ávenavo matu, aigwe vyatangola Imumu na maganisha.’ ”

Maono 3:22

“Ávenavo matu, aigwe vyatangola Imumu na maganisha.”

Maono 3:6

“ ‘Ávenavo matu, aigwe vyatangola Imumu na maganisha.’ ”