Vabalaniya 1:3 - Ibibiliya mu Shimakonde Imbodi Yaambi na dimbande dya Imbodi Yakala

³ Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Vabalaniya 1:3 ပူးပေါင်းရင်းမြစ်များ

Mateu 22:24

“Mwalimu, Musha atwaulidilé doni, nnume akapela bila kummalakela mwana ndyagwe, nung'une wawakujala inimmaikila ainjile ding'ande pakulota ammalakele vana wakujala.

Malukushi 16:19

Napanelo Umu Yesu akamalile kutangola namu vanavo, nae po kutanduligwa kuka kuwa ndaikala kunkanakono kwake Nnungu.

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 1:29

Palyamba lyake Nshuwau andímwona Yesu amwidila kutwala kushidoni, “Mwenu! Ngandolo wa Nnungu aijá áusha lidambi lyashilambo.

Nshuwau 1:4

Nae ni avele ntipu washingumi na sho shingumi ashi ni lilangadyo kwavanu.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vitendo 7:56

Nae kutwala kushidoni, “Mwe! Ninkwona kuwa kushimwike na kumwona Mwana Wamunu àimidile kunkanakono kwake Nnungu.”

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

Valoma 8:34

Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Vakoloshu 3:1

Napavedoni ikava kenga mundidyuka namu Klistu, bai lambela vinu vivéle kuwa kwaikele Klistu kunkanakono kwake Nnungu.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vabalaniya 1:13

Da wakwashi pakati pavanjelo wamwaulidile nae angalau mwanda umo vela do, “Ikala kunkanakono kwangu mpaka nangu vamongo vako ndivateke, wako uvaluvatile kumaulu”?

Vabalaniya 10:12

Kanji napane Klistu pamalidile kumya shadaka shake kwangwengwe, shadaka shimo tu kwamadambi, andiikala kunkanakono kwake Nnungu.

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Vabalaniya 4:14

Napavedoni pakuva tunkuvanavo nkúlangalalela-shadaka nkumene-uti áinjidile kuwa, Yesu Mwana wake Nnungu, indituvaikila tunanope mu ashilá shatulyaula.

Vabalaniya 7:27

Kwakuvilingananga na vakulangalalela-shadaka vakumene avalá, nae hainatakigwa shinu kulyumidya shadaka kula liduva kwamwaa washimadambi shake ling'oto shimadambi shavenentete. Nae anditenda uti avi kwamwanda umo tu bai palyumidye jo mwene.

Vabalaniya 8:1

Mwenu, shikumene shatwambangila mwaa apa ni ashi, tunkuvanavo nkúlangalalela-shadaka nkumene kenga aju jo áikele kunkanakono washiteng'u shimwe aijá Wakujowa walishangelo, kuwa

Vabalaniya 9:16

Mwaa papagwite malailililo amaleko, hanatumika akanapela aijá mwene nkúlaililila;

Vabalaniya 9:26

Leka ìvele yamyadi vyajunji, Klistu akandyuvauvanga aujila-ujila kutunduvangila tangu pashikandyangigwe shilambo. Kanji napane pauwikidile popo wakati, nae andyumilila kwamwanda umo tu bai kwambangidya amalidye lidambi kwashadaka shalyumidye jo mwene.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Patulu 3:22

ákwadile kuwa kwikala kunkanakono kwake Nnungu kutwala kuvavika vanjelo mwina mwake, madalaka pamo na dimongo uti.

II Patulu 1:16

Kwamwiu, patummalangangidile dimongo na kwida kumwe Umu wetu Yesu Klistu, hatwodile mikong'o vyavapanganienge shana kanji wewe tuvene ni tuvashuda túgwene ukumene wake.

II Patulu 1:17

Nae andipata ishima na lishangelo lyakwalakela upande umwe Nnungu Atata, muwakati aulá walimwididile lidi lyaléke mulishangelo lyakujowa litédoni, “Aju ni Mwanangu, Wakunagwaleka wangu, ángupa lipuwilo;”

I Nshuwau 1:7

Kanji tukawena mulilangadyo kenga mwapagwididye nae mulilangadyo, tunkuvanavo upamo kula munu kwamuje na myadi vimwe Yesu, jo Mwanamunu vinkutuushanianga ushapu wamadambi uti.

I Nshuwau 3:5

Mwenu mundimanya kenga nae andída pakulota aushaniange madambi na nkati mwake nae halipali lidambi.

Yudashi 1:25

kwake Nnungu ávele jumo, Mwamboli wetu, lipagwe lishangelo, ukumene, lyululilo na madalaka kwaindila imwe Yesu Klistu Umu wetu, kutunduvangila wakati uti, ambi apa na mpaka vyaka uti! Ame.

Maono 3:21

“Nkútema ndamupa aki yakwikala namu nangu pashiteng'u pangu kenga nangu momo nditema na ndiikala namu Atata pashiteng'u pake.

Maono 4:11

“Wako Umu, Nnungu wetu, undivaikila kupata lishangelo, ishima na dimongo mwaa wako undikandyanga vinu uti na kwalilotelo lyako vindikandyangigwa na vipali.”