Tiyagu 1:3 - Ibibiliya mu Shimakonde Imbodi Yaambi na dimbande dya Imbodi Yakala

³ mwaa mundimanya kenga kulingigwa kwalikulupililo lyenu kunkwidanavo kulipililila.

Tiyagu 1:3 ပူးပေါင်းရင်းမြစ်များ

Lukashi 21:19

Ni mwaa wakulipililila kwenu kwamulota kupata ungumi wenu.

Valoma 15:4

Mwenu, uti avilá vyandikígwe kunantandi, vindyandikigwa pakulota vitupundishe kwambangidya dashi kwaindila yakulipililila na yakupambadyangigwa kwamaandiko tuvenavo lilindilililo.

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

Valoma 8:25

Napane pakuva tunkuvanavo lilindilililo lyashinu shatukona, tunkulindila na mweshe nkati muupole.

Valoma 8:28

Tundimanya napane kwa avalá vannagwalédya Nnungu ankuvatandela uti kwauwambone, vo vávashamile kwodananavo malotelo ake jo mwene.

II Vakolintu 4:17

Mwaa mauvilo awakati au, maangolo na akupita, anavo ankwidanavo kwetu wetu lishangelo líkamalilika liidópa namene kupunda uti

Vakoloshu 1:11

munanawangika na dimongo uti kwodananavo dimongo dyalishangelo lyake kwakulipililila na kwaupole uti,

II Vateshalonika 1:4

ata mpaka wewe tuvene kulitamangila mwenu mmaganisha a Nnungu kwamwaa wakunanonopa kwenu na likulupililo lyenu mukupapatigwa na mumauvilo uti amulipililila.

II Vateshalonika 3:5

Napane Umu alangalele mitima vyenu vinanapele kulinagwaledyo lya Nnungu na kukulipililila kumwe Klistu.

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

Vabalaniya 12:1

Napavedoni, pakuva nawetu momo inditutang'anedya imbumba ing'umene yamashuda ava, indituvaikila tulyulange uti vitudingadínga na lidambi litudingíla pakulota tutukute kwakulipililila kwamwaa wa alalá mashindano avikígwe mushu mwetu

Vabalaniya 6:12

kwambangidya hamunave mmawondo kanji vajedye avalá kwaindila yalikulupililo na kulipililila vandipata maleko akulivikila.

I Patulu 1:7

pakulota kutenda nningo walikulupililo lyenu ikava kenga lìu. Likulupililo lyo liu lyo linkuvanavo mana makumene kuliko shaabu, shaabu itimbikánga ata ikava kenga vandatenda nningo pamoto; lyanavo lindaidanavo lutumbyango, lishangelo na ishima palota kulilodya Yesu Klistu.

II Patulu 1:6

mulimanyilo nkati mukulishunga gwegwe umwene, mukulishunga gwegwe umwene nkati mukunanopa, mukunanopa nkati mukunjopa Nnungu,