Titu 3:2 - Ibibiliya mu Shimakonde Imbodi Yaambi na dimbande dya Imbodi Yakala

² havananniule munu, havanave vamagombi, vave vaupole valodya kulishapeya kwavanu uti.

Titu 3:2 ပူးပေါင်းရင်းမြစ်များ

Mateu 11:29

Lyunge likangoti lyangu na lipundishe kwangu. Nangu ni wakulimaladya na wantima wakulishapeya na mwenu mundapata kupumula kwaungumi wenu.

Vitendo 23:5

Paulu doni, “Ji, mmanung'unumunu, hanishimanya kenga aju ni nkúlangalalela-shadaka nkumene! Na mwiu, lilove lya Nnungu litédoni, ‘Haunantukanange nkútawala wavenentete vako.’ ”

I Vakolintu 6:10

ata vakwiva, ata vashojo, ata vakwambalwa, ata vakung'wenya na ata vakukwinyanga, havapata maleko autawala wa Nnungu.

I Vakolintu 9:19

Mwenu, pakuva nguvelé muunaiti kwavanu uti, ndilitenda nintumwa kwavanu uti pakulota ndivapate voe.

II Vakolintu 10:1

Mwenu, nene nangu Paulu ninkunjugwangila mwenu kwakulishapeya na kwaupole umwe Klistu, nene ngwaneka kuva wakulishapeya pangupagwa namu mwenu kanji ninkali ndikanapagwa.

II Vakolintu 12:20

Mwaa ninkujopa doni pangwida ako, nankodya mwenu i mwangulatela nangu, namomo nangu munangukodya i mwamulatela mwenu. Ninkujopa kupagwa pakati penu ding'ondo, ing'ou, shishimwashimwa, umongo, kunyambiyanga, kung'wenya, kulyona na upuju.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

Vagalata 6:1

Mmanung'unumunu, munu akapatikana mukupujungula kwoekwoe, mwenu mmaimumu mùvele mwimumu yakulishapeya, nningule munu ajo mulishunga kwambangidya namwenu momo hamunatubigwe.

Vagalata 6:10

Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.

Vaepeshu 4:2

pagwa mukulishapeya, mukupambadyanga na muupole mupilililanila mulinagwaledyo

Vaepeshu 4:31

Shijaujau, kushimwa, shitundi, kunyonya na kwabola; vinu avi uti pakati penu havinapagwe pamo na wakunyata uti.

Vapilipo 4:5

Wambone wenu umanyike kwavanu uti. Umu avé pepi.

I Vateshalonika 2:7

ata ikava kenga tukanimmikila ligogo wetu túvele tuvamyombe vamwe Klistu. Leka apo, tundilitenda kuva tuvana vadikidiki pakati penu. Mo mwavalela jujumunu wakujang'edya ávalela vanavake,

I Timoti 3:11

Nimumo momo vadyavave indivavaikila vave vaishima, vákang'wenya, vapole na vakukulupilika muuti.

I Timoti 3:3

i wakwambalwa na ata wakukanyola kanji ave waupole, ákave ushaka na ákanagwaledya njuluku.

Tiyagu 3:17

Kanji napane limanyilo lyalakéla kuwa, lyanavo shitandi halive ushapu; ling'oto kuva lyamani, kulimaladya, kwigwilila, kuumbaligwanavo shididi na vyepo vyambone, líkamwapula munu na líkave shinankulaba.

Tiyagu 4:11

Mmanung'unumunu, hamunatangalane kunyata. Aijá ántangola kunyata nung'unumunu kwali ámuukumu nung'unumunu, ankutangola kunyata lilamulo na ankuukumu. Wako paukumu lilamulo po, haunatandedya shinu ila unkulivika kuva unkúukumu.

I Patulu 2:1

Nadoni jaa kushu ko vyakunyata uti: ushwang'a uti, shinankulaba, ing'ou na malove uti akwabola.

I Patulu 3:10

Mwaa “Aijá álota kunagwaledya shingumi na kunama maduva ambone, ashunge lulimi lwake kwavyakunyata, dindomo dyake hadinashang'ape;

I Patulu 3:8

Kumwisho akuno ninkushidoni, avanavo makumbukililo amulolo, ava mmashididi, nagwaladyania shinung'unumunu, ava mmanu mmakutanana na mmakulishapeya.

I Patulu 4:4

Vanavo ambi apa vankwona kuva shinu shanshelu mwenu pamukaungana na vanavo nkati mushinamidyo shaupuju; ni ashi shitádya vamwabalange.

II Patulu 2:10

kupunda namene avalá vaodédya malotelo audagwa washimunumunu na kwiludyanga unashilangola. Vamwalimu vo vakushang'apa ava, vakulitauka na vakulyona, havanashushukanga shinu kuvakupulu valishangelo;

Yudashi 1:10

Vovo vo, vankukupulu vinu vyavakamanyite, namomo kwavinu vyavamanya kwamavalelo, nkati muvyanavo vinkuvabamola kenga vakoko vákave ding'ano.

Yudashi 1:8

Nimumo momo vanu vovo vo, vakulupila dindoti kwaupande unji vankwambukisha mili vyave, kwaupande unji kwita unashilangola na kwaupande unji kuvakupulu valishangelo.