Titu 2:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ vava vading'ano na vákave ushapu, vakola madengo paing'ande, vambone na valivika mwina mwavatavave pakulota lilove lya Nnungu, halinaliuligwe.

Titu 2:5 ပူးပေါင်းရင်းမြစ်များ

Vitendo 9:36

Napanelo panjini wa Yope andípagwa nkongwe jumo nkwóda walina Tabita, lina lyavashema mushigalegu Dolakashi, nae avele wavitendo vyambone na ashindavapwashela vamashikini.

Vitendo 9:39

Bai Patulu andyúka namu vanavo. Akawike, vaníntwala kumuukanavo mushumba shapashanya ulungu kutwala vanamwili uti kuntang'anedya valila na vannodya vyakulijalangila vyakuvilingananga vyakandyénge Dolakashi pavéle mumi.

Valoma 14:16

Ashilá shambone kwenu, hamunavaleke vanu vanniulila.

Valoma 2:24

Mwaa kenga indyandikigwa, “Lina lya Nnungu vankukupulu pakati pavamidi kwamwaa wenu mwenu.”

I Vakolintu 11:3

Napane ninkulota mumanye kenga muti wakula nnume ni Klistu, muti wankongwe ni nnume na muti umwe Klistu ni Nnungu.

I Vakolintu 14:34

vakongwe indivavaikila valimaladye muliganisha. Havave lilamulo lyakutangola kanji valivike mwina kenga momo mwalitangalela lilamulo.

Vaepeshu 5:33

Kanji napane namwenu kula munu annagwaledye ndyagwe kenga mo mwalinagwaladyedya jo mwene na ndyamunu amwishimu ntwagwe.

Vakoloshu 3:18

Mmadyamunu, livike mwina mwavatavenu kenga mo mwaivalalele kumwe Umu.

I Timoti 5:10

na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

I Timoti 6:1

Uti avalá vavénavo likangoti kenga vatumwa, indivavaikila vavatanane vanang'olo vave kenga muvavaikidíle kwaishima uti kwambangidya lina limwe Nnungu na lo mapundisho lo, halanaliuligwe.

Titu 2:4

pakulota vavapundishe vakongwe vaulinga wangolo kuvanagwaledya vatavave pamo na vanavave