Titu 2:2 - Ibibiliya mu Shimakonde Imbodi Yaambi na dimbande dya Imbodi Yakala

² Valume vaulinga vave vapole, vaishima, vading'ano na vangumi mulikulupilo, linagwaledyo pamo na lipililililo.

Titu 2:2 ပူးပေါင်းရင်းမြစ်များ

Malukushi 5:15

Pavavandike pavele Yesu kumwona aijá munu wamajini e avénavo imbumba yamajini àikele, àgwete inguvo, àvenavo ding'ano dyashimunu kutwala vanavo kujopa.

Lukashi 8:35

Vanu kuka ndalola vitandéke avilá; pavawikile pavéle Yesu, vanínkodya munu wamuumile majini aijá àikele pavéle Yesu na ding'ano dyake dìmwikalenge shana na àgwalangidile. Vanavo vakamwone, vandíjopa namene.

Vitendo 24:25

Kanji Paulu avalanganga ing'ano yaishaliya, yakulishunga, yaukumu ulóta kutandeka, Pilishi andíjopa namene na andímwaulila Paulu aashidoni, “Ambi unkuulula kuka! Mushu mo pangulota kuva na litala ndakushema,”

Valoma 12:3

Mwenu, kwaumonyo wangupatile ninkumwaulila kula munu pakati penu hanalikumbukile jo mwene kupunda amulá muvaikidíle alikumbukilile kanji nae alikumbukile kwabila kupundanianga kulinganananavo shipimo shalikulupililo shanjavidile Nnungu kula munu.

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

I Vakolintu 9:25

Uti avalá vánaliinjidyanga mumashindano, vanavo vandálilaledya muvinu uti. Kwavanavo, vankutenda davo vapate lidaka litimbikánga napane wetu tutenda pakulota tupate líkatimbikanga.

II Vakolintu 5:13

Mwenu, ikava kenga kwali tunkudulumbuka ni mwaa wa Nnungu, ikava kenga kwali tunkuvanavo ding'ano ni mwaa wenu mwenu.

Vagalata 5:23

kulishapeya, kulishunga gwegwe umwene. Pakati pavinu avi, halipali lilamulo.

Vapilipo 4:8

Kumwisho akune mmanung'unumunu, vyoevyoe uti vyaumwiu, vyoevyoe vyaishima, vyoevyoe vyaishaliya, vyoevyoe víkave ushapu, vyoevyoe vyakwalala, vyoevyoe vyashimbili na ikava kenga vipali vivaikidíle kutumbyanga, vinu avyo vikila kuntima.

I Vateshalonika 5:6

Napavedoni hatunalale kenga vanji kanji tuve mevo na tuvakulipanga

I Vateshalonika 5:8

Wetu kanji túvele vamui tulipange tùgwete shikopa shalikulupililo na linagwaledyo na kenga shijulu shashitali, lilindilililo lyakwambolegwa.

I Timoti 1:10

vakulauka pamo na valalána shilumelume, vaténda nshulusho wavatumwa, vakushang'apa, valilápa kwaushwang'a na uti avilá vipínga mapundisho mangumi,

I Timoti 1:14

Napane umonyo umwe Umu undipakatika namene kwangu nangu kwalikulupililo na linagwaledyo lipagwíte nkati mumwe Klistu Yesu.

I Timoti 1:2

kumwe Timoti mwanangu waumwiu nkati mulikulupililo. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

I Timoti 1:5

Malotelo napane amalailililo etu ni linagwaledyo lyúma muntima úkave ushapu, makumbukililo ambone amuntima na likulupililo líkave shinankulaba.

I Timoti 3:11

Nimumo momo vadyavave indivavaikila vave vaishima, vákang'wenya, vapole na vakukulupilika muuti.

I Timoti 3:2

Napavedoni inimmaikila nkúlaledya ave munu ákave makosha, nnume wankongwe jumo, munu mpole, wakulishunga, wakwishimika, wakukalibisha na wakuulula kupundisha

I Timoti 3:4

Ave munu álangalalela shana ing'ande yake jo mwene àvenavo vana valivíka mwina mwake kwaishima uti.

I Timoti 3:8

Nimumo momo madiyakonu indivavaikila vave vaishima i vadindimi mbili, vákaliinjidyanga namene muvinyu na ata vákuvikila liu lukwinyango,

I Timoti 5:1

Haunanshulange munu ákupundile shilinga kanji nnaililile kenga tatamunu, vanemba kenga vanung'unumunu,

Titu 1:13

Ushuda au, wìu. Napavedoni vashulange namene kwambangidya vave vangumi mulikulupililo

Titu 1:8

Kanji nae ave munu wakukalibisha, wakunagwaledya wambone, wading'ano, waishaliya, wakwilimyanga na wakulilaledya

Titu 2:7

gwegwe umwene ulilodya kuva mpano wavitendo vyambone muvinu uti. Mumapundisho ako lo, lodya umwiu ungave-dimbenje

Pilemoni 1:9

napane kwamwaa walinagwaledyo ndyona kudyanga ndikujugwangile, nene Paulu ngùvele ninang'olo namomo ambi apa ninkúngwa umwe Klistu Yesu.

I Patulu 1:13

Napavedoni mulingangashela muding'anong'ano dyenu, muva mevo vika lilindilililo lyenu muumonyo aulá wavalota kunyukatila mwenu muwakati walota kulilodya Yesu Klistu.

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.

II Patulu 1:6

mulimanyilo nkati mukulishunga gwegwe umwene, mukulishunga gwegwe umwene nkati mukunanopa, mukunanopa nkati mukunjopa Nnungu,