Titu 2:12 - Ibibiliya mu Shimakonde Imbodi Yaambi na dimbande dya Imbodi Yakala

¹² utupundisha kwita ungave Nnungu na malotelo ashimunumunu tuname shinamidyo shading'ano, shaishaliya na shakunjopa Nnungu muwakati au

Titu 2:12 ပူးပေါင်းရင်းမြစ်များ

Mateu 12:32

Munu álota kuntangola kunyata Mwana Wamunu, analivalivigwa napane áija álota kuntangola kunyata Imumu Wanashwe, halivalivigwa ata muwakati au na ata muwakati ulóta kwida.

Mateu 16:24

Bai kutwala kuvaulila vakwoda vake doni, “Munu akalota kungwoda nangu, alishukulu jo mwene anyukate nshalaba wake angwode.

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Lukashi 1:6

Bai vanu vavili ava uti vavele vaishaliya pamevo pake Nnungu. Vanavo vashindanama bila makosha mumalailililo uti na malamulo ake Umu.

Lukashi 1:75

tunama pamevo pake mukwilimyanga na mwishaliya mumaduva uti ashingumi shetu.

Nshuwau 14:30

Hangutangola shinu kavili vinu vyoe namu mwenu mwaa nkútawala washilambo ashi ankwida. Nae kwangu nangu hatenda shinu

Nshuwau 6:25

Napanelo vanavo vakamwone mwangu unji walitanda, vandímudya, “Labi, da wako akuno ko widilé duvani?”

Vitendo 24:16

Ni ashi shingutádya nangu ngwengwe ngukukule pakulota nguvenavo makumbukililo ambone amuntima pamevo pa Nnungu na pavanu.

Vitendo 24:25

Kanji Paulu avalanganga ing'ano yaishaliya, yakulishunga, yaukumu ulóta kutandeka, Pilishi andíjopa namene na andímwaulila Paulu aashidoni, “Ambi unkuulula kuka! Mushu mo pangulota kuva na litala ndakushema,”

Valoma 12:2

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

Valoma 6:12

Napavedoni hamunaleke lidambi lintawala mumili vyenu vipéla pakulota wo mili wo, hamunaigwilile ditamaa dyake.

Valoma 6:19

Ngutangola kenga nimunu kwamwaa wakudabadabanga kwenu kwashimunu. Kulingana kenga mo mwamujaulidile dimbande dyenu muushapu na muungave-lilamulo vyuka kupunda ungave-lilamulo napane ambi jaula dimbande dyenu kenga vatumwa vaishaliya vauka kukwilimyanga.

Valoma 8:13

mwaa ikava kenga mwenu munkunama kwodananavo shimunumunu, mundapela kanji kwa Imumu mukatadya kupedya vitendo vyamili, mundanama.

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

II Vakolintu 7:1

Mmakunagwaleka, pakuva tunkuvanavo vyakulivikila avi, tulyushaniange vyaudagwa uti vyamumili na vyamwimumu tuwisha popo kwilimyanga nkati mukunjopa Nnungu.

Vagalata 1:4

ályumidye jo mwene kwamwaa wamadambi etu pakulota atuposhe muwakati au wakunyata kwodananavo malotelo atatagwetu Nnungu.

Vagalata 5:24

Vamwe Klistu Yesu, shimunumunu shave vandikamela panshalaba pamo na ditamaa na malotelo ake.

Vaepeshu 1:4

kenga mo mwatutandaladile nkati mwake tangu kala shilambo shikanava kukandyangigwa pakulota tuve vakwilimyanga na túkave makosha pamevo pake. Nae anditutandola mulinagwaledyo

Vaepeshu 2:2

Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

Vakoloshu 1:22

ambi apa nae andimuunganianga kavili mumili wake washimunumunu kwaindila yakupela kwake kwambangidya nae akannodye mwenu mùvele mmakwilimyanga, múkave makosha na kwabila kupagwa shakunkanidyanga pamevo pake Nnungu

I Vateshalonika 4:7

Mwenu, Nnungu hatushamile kwaushapu kanji mukwilimyanga.

I Vateshalonika 4:9

Napanelo kwaing'ano yalinagwaledyo lyashinung'unumunu hainaloteka shinu kumwandikila mwaa mwemwe mmene mundipundishigwa namu Nnungu pakulota munagwaladyanie.

I Timoti 4:12

Hanapagwe wakukwiludyanga kwamwaa wakuva wako unnemba kanji ava mpano kwavakukulupila mukutangola, mushinamidyo, mulinagwaledyo, mulikulupililo na muungave-ushapu.

I Timoti 6:17

Kwavatajili vawakati au, valaililile havanalyone, havanavike lilindilililo lyave mumali ákakulupilika kanji vavike lilindilililo lyave kumwe Nnungu átupa uti kwabila kulakalela kwalipuwilo lyetu.

I Timoti 6:9

Kanji napane avalá vavanavo malotelo muntima vave matajili, vanágwa mukutubigwa, mudinambo na mumalotelo oe ákave mana na akunyata alalá avatitimídya vanu mukubamalegwa na mukujaika.

II Timoti 3:12

Kwakutangola mwiu kula álota kunama shinamidyo shakunjopa Nnungu nkati mumwe Klistu Yesu, andapapatigwa.

II Timoti 4:10

Mwaa Demashi kwakunagwaledya wakati au, aningwambukanga kutwala kuka ku Teshalonika. Keleshete kuka ku Galata, Titu kuka ku Dalamashiya.

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.

Vabalaniya 8:11

Hapali álota kumpundisha kavili nshitanonomwagwe na ata nung'unumunu aashidoni, ‘Mmanye Umu,’ mwaa uti vanavo vanangumanya, kutunduvangila ndyoko na nkulu.

Tiyagu 1:27

Idini yaungave-ushapu na yaungave-udagwa pamevo pake Nnungu Atata ni ai: kuvalola vananshiva na vanamwili nkati mumashida avo, namomo kulishunga gwegwe umwene pakulota shilambo hashinakupake lilemba.

II Patulu 2:9

Napavedoni tundyona do, Umu ankumanya kuvaposha avalá vanjópa Nnungu nkati mukulingigwa na mwakuvavikila mushaushanga avalá vavéle muungave-shaliya muliduva alilá lyaukumu;

II Patulu 3:11

Napanelo kwoda vinu uti vindatimbikanga, mwenu po immaikidile muname shinamidyo shani? Immaikidile muname shinamidyo shakwilimyanga na shakunjopa Nnungu

I Nshuwau 2:27

Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.

I Nshuwau 2:6

aijá aashidoni, ankupagwa nkati mwake nae inimmaikila awene kulingana kenga mo mwawanadile Yesu.

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.

Yudashi 1:18

Vanavo vashindamwaulila mwenu doni, “Muwakati wamwisho vandaumilila vakuliula vawena vaodedya malotelo aungave Nnungu.”

Maono 14:12

Apa ni patakígwa kunanopa kwavakwilimyanga, vashúnga malamulo ake Nnungu na likulupililo lyave nkati mumwe Yesu.