Titu 1:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Shitadídye ndikuleke ku Kaleta ni pakulota upangange shana avilá vibakidíle na uvavikange vanang'olo kula likaja kenga mwandikupundishididye.

Titu 1:5 ပူးပေါင်းရင်းမြစ်များ

Vitendo 11:30

Bai vandítandedya vatumidya kwavanang'olo kwaindila imwe Balinaba namu Saulu.

Vitendo 14:23

Namomo mumaganisha uti avashipita, vashindavatandola vanang'olo; ling'oto lyakushwali na kunga vashindavavika vakwoda uti mmakono mwake Umu wavankulupidile.

Vitendo 2:11

tuvanji tuvayuda na kavili tuvanji túliinjidyenge, twálakadile ku Kaleta na tuvanji kwavaalabu; kanji wetu apa vanavo pavatangola vavalanga vitendo vyakujowa vya Nnungu tunkuvaigwa mudinangodi dyetu tuvene dyashing'ang'eng'e!”

Vitendo 27:12

Kanji kwodamwaa nshiko awo hauvéle shana pakulota vanu vaikale muwakati wakudidima imepo, bai vanu voe vandyóna kudyanga vaume panshiko awo valingangile kuka ndawika panshiko wa Poiniki uvéle mo mushitingi sha Kaleta pakulota tupagwe mulyutu alyo muwakati uti waimepo. Likaja alyo liladilé mevo nkono wakwina shilambo na nkono wakwalyuka liduva.

Vitendo 27:13

Bai indítunduvanga kupunga imepo íkavele yadimongo yakwalakela kwina shilambo kutwala vanavo kwona kenga mwavashikumbukilila vene amulá mundatandakela momo. Nadoni vanavo vandyúmya inanga mmedi mo kutwala kutunduvanga kutukusha ingalava nanyenje imanga ya ku Kaleta.

Vitendo 27:21

Napanelo kwodamwaa vandíikalanga maduva oe pavakalya shinu, Paulu andítakatuka pakati pave kutwala kushidoni, “Mwenu! Leka mùngwigwilidile nangu paninnaidye kuma ku Kaleta akulá, mauvilo ala na asala ai uti hamunapate.

Vitendo 27:7

Shimwanda shetu shindíva shakukakavanga; nadoni tundítwala maduva oe tuvauvanga mpaka kuka ndawika pepi na pa Kinidu. Kanji kwodamwaa imepo haitulakile tuka shalowa, tundyúka nkono wakwina shitingi sha Kaleta tupita pepi na pa Shalamone.

I Vakolintu 11:34

Ikava kenga munu ininkola indala, alye kwing'ande kwake kwambangidya pamulota kukadyanianga po, hakunaidenavo ukumu. Napane vibakidíle vyo, ndalingula pangulota kwida.

I Vakolintu 14:40

Kanji uti indivaikila vitandeke kwaishima na kulipanga.

I Vakolintu 4:17

Kwaing'ano ai nintumidya kwenu Timoti mwanangu wakunagwaleka na wakukulupilika nkati mumwe Umu; nae anankumbuwanga mwangunamila nkati mumwe Klistu Yesu kwodananavo amulá mwangupundishidya mumautu uti kwakula liganisha.

Vakoloshu 2:5

mwaa ata ikava kenga hangupali ako kwamili kanji kwaimumu ninkupagwa namu mwenu ngupuwanga kwakulipanga kwenu na kunanopa kwalikulupililo lyenu kumwe Klistu.

I Timoti 1:3

Kulingana kenga mo mwandikulaililidile nguka ku Makedoniya, wako pagwa ku Epeshu pakulota uvalamulile vanu vanji havanapundishe mapundisho anji

II Timoti 2:2

Avilá vyawigwite kwangu nangu pamevo pavashuda voe, vakamudye vanu vakukulupilika valóta kuulula kuvapundisha vanu vanji momo.

Titu 1:12

Pakati pavakulava vave vo vene, jumo atédoni, “Vakaleta ngwengwe vava vanu vakushang'apa, vakoko vakujowa, vakululuka vawondo.”