Pilemoni 1:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Nadoni ikava kenga unkunguvalangilila kuva nkúmajanangamwavo, mpwashalele kenga mukangupwashaladíle nangu.

Pilemoni 1:17 ပူးပေါင်းရင်းမြစ်များ

Mateu 10:40

“Ámpwashalela mwenu, angupwashalela nangu na ángupwashalela nangu, ampwashalela aijá ángutumididye.

Mateu 18:5

Woewoe álota kumpwashalela ndyoko ndikidiki kenga aju palina lyangu munu ajo angupwashalela nangu.

Mateu 25:40

Umu kutwa kushidoni, ‘Ninkumwaulila mwiu doni, kula shinu shamuntandalele ndikidiki-uti pakati pavanung'uvangu ava, mungutandalelé nangu.’

Vitendo 16:15

Ling'oto lyankongwe ajo kupata ubatisho pamo na vapaing'ande pake, andítujugwangila aashidoni, “Ikava kenga mwenu munkungwona kenga nangu ninkúkulupila wake Umu, tuke mukaikale kwing'ande kwangu.” Bai nae andítuulula kutuukanavo kwing'ande kwake.

II Vakolintu 8:23

Kwaupande umwe Titu, nae po ni nyangu na mmádengomwangu kwamwaa wenu mwenu. Kwaupande wavanung'unumunu vanji vo, vanavo ni vakutumigwa vamaganisha, àvele lishangelo lyake Klistu.

Vaepeshu 3:6

Shipii shene ni ashi: kwaindila yantenga wambone, vamidi ni vakupatamwagwe maleko, vaimbande yamumili umo na vanyagwe mukupagwa pamo muvyakulivikila nkati mumwe Klistu Yesu.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

I Timoti 6:2

Avalá vavénavo vanang'olo vakukulupila, havanavailudyange kwodamwaa vàkukulupila kanji vavatumike namene kupunda apo mwaa vapáta paida yashimadengo shave shambone ni vakukulupila na vakunagwaleka. Vinu avi pundisha na laililila.

Pilemoni 1:10

Ninkukujugwangila kwamwaa wamwanangu Oneshimu wanimmaleke nkati mukungwa kwangu,

Pilemoni 1:12

Nimuujiya kwako wako nae ni ntima wangu nimwene.

Pilemoni 1:18

Ikava kenga nae andikwanela wako kwali unkundai, bai vika vinu avyo mulipungu lyangu.

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

Tiyagu 2:5

Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

I Nshuwau 1:3

Aijá watungwene na watumwigwite, tunkummalangangila mwenu momo kwambangidya namwenu muvenavo upamo namu wetu, namwiu upamo wetu unkupagwa namu Atata pamo na Mwanagwe, Yesu Klistu.